पहिरोमा पुरिएर रोल्पामा एकै परिवारका ६ जनाको अकालमै मृत्यु

काठमाडौं, २७ भदौं–रोल्पाको थवाङ गाउँपालिका–२ छेर्लोवाङमा पहिरोमा पुरिएर ६ जनाको अकालमै मृत्यु भएको छ । गए राति सुतीरहेको अबस्थामा घरमाथिबाट गएको पहिरोमा पुरिएर एकै परिवारका ६ जनाको मृत्यु भएको हो । प्रहरीका अनुसार मृत्यु हुनेमा २५ वर्षीय थीरकुमार बुढा, उनका ४ वर्षीय छोरा असल बुढा, ३५ वर्षीय जै बुढा, उनकी ३५ वर्षीय श्रीमती मूलज्योति बुढा, ९ वर्षीय छोरी जीविस्टी बुढा र २ वर्षीया छोरी करिस्मा बुढा रहेका छन् ।
मृतक ६ जनाकै शव बाहिर निकालिएको र पोष्टमार्टम हुन बाँकी रहेको थवाङ प्रहरीले जानकारी दिएको छ ।