प्रधानमन्त्री ओली र बंगलादेशका राष्ट्रपति हमिद बिच भेटवार्ता

काठमाडौं, २७ कार्तिक । चार दिने नेपाल बंगलादेश मैत्रिपुर्ण भ्रमणमा रहेका बंगलादेशका राष्ट्रपति महम्मद अब्दुल हमिदसँग प्रधानमन्त्री केपी शर्मा ओलीको भेटवार्ता भएको छ ।
काठमाडौंमा बुधबार दिउँसो राष्ट्रपति हमिदसँग भेट गर्दै प्रधानमन्त्री ओलीले द्विपक्षीय हितका बारेमा कुराकानी गरेका हुन् ।
बुधबार नै राष्ट्रपति हमिदले राष्ट्रियसभा अध्यक्ष गणेशप्रसाद तिमिल्सिना, कांग्रेस सभापति शेरबहादुर देउवा र सत्तारूढ नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्ड सँग भेटवार्ता गरेका थिए । राष्ट्रपति हमिद मंगलबार नेपाल आएका हुन् । उनी शुक्रबार स्वदेश फर्कने कार्यक्रम रहेको श्रोतले जानकारी गराएकोछ ।