प्रदेश नं.१मा प्रथम् नगर मेयरकप ब्याडमिन्टन् प्रतियोगिता हुदै

प्रदेश नं १ कै सर्वाधिक रासी रहेको प्रथम मेयर कप व्याडमिन्टन प्रतियोगिता  आगामी पौष १ गतेदेथि ३ दिनसम्म खोटाङ  जिल्लाको सदरमुकाम दिक्तेलवजार स्थित स्थानीय कभर्ड हलमा सम्पन्न गरिने भएको छ ।
यस अगाडि खोटाङ जिल्लामा व्यवस्थित कभर्ड हल नहुदा यस्ता ठूला इनडोर गेमहरु  जिल्लामा आयोजना गर्न नसकिएको तर अव त्यस्तो अवस्था नरहने नगर प्रमुख दिपनारायण रिजालले  पत्रकार सम्मेलनमा वताउनु भएको छ ।
हिउद वर्षा जुनसुकै समयमा यस्ता खेलहरु को आयोजना गर्न सकिने गरी दिक्तेलरुपाकोटमझुवागढी नगरपालिकाको १ करोड ८ लाख को लगानीमा सम्पन्न भएसंगै उक्त कवर्डहल आगामी मंसिर २० गते नगरपालिकालाई हस्तान्तरण गरिने निर्माण उपभोक्ता समितिका अध्यक्ष कुमार आचार्यले जानकारी दिनुभयो ।
प्रतियोगितामा प्रथम हुने टिमलाई नगद रु.१ लाख ५१ हजार  सहित मेडल प्रमाण पत्र, द्धितिय हुने टिमलाई रु ८१ हजार र तृतिय हुने टिमलाई रु ४१ हजार नगद सहित मेडल र प्रमाण पत्र प्रदान गरिने छ ।
खेलाडीहरुलाई आत्मवल वढाउनका लागि नगरपालिकाले सम्पुर्ण सहभागी टिमलाई मायांको चिनो प्रदान गरिने जनाइएको छ ।