‘सिद्धबाबा’लाई ७ दिन हिरासतमा राख्न म्याद थपको आदेश

सुनसरी,२०–मंसिर । बलात्कारको आरोप लागेका ‘सिद्धबाबा’ भनेर चिनिने कृष्णदास गिरीलाई प्रहरीले आज जिल्ला अदालत सुनसरीबाट ७ दिनको म्याद थप गरी अनुसन्धान जारी राखेको छ । यसअघि प्रहरीले अदालतबाट ४ दिनको म्याद थप गराएर अनुसन्धान शुरु गरेको थियो ।
आफ्नै अनुयायीमाथि बलात्कार गरेको आरोपमा उनलाई गत मंसिर १६ गते प्रहरीले पक्राउ गरेको थियो । बलात्कार आरोपमा उजुरी परेपछि सुनसरीको चतराधाममा रहेका गिरी बिरामी भएको भन्दै विराटनगरस्थित विराट नर्सिङहोममा भर्ना भएका थिए ।

सुनसरी, बराहक्षेत्रको चतरास्थित रामानन्दाचार्य सेवा पीठका संरक्षकका रुपमा गिरीले कार्य गर्दै आएका छन् । पीडित भनिएकी महिलाले गत कात्र्तिक ४ गते आफूलाई जबरजस्ती करणी गरेको भन्दै उजुरी दिएको कुरा सुनसरी प्रहरीले जानकारी गराएकाछन् ।