४२ दशमलव १९५ किलोमिटर म्याराथुनमा किरणले जिते स्वर्ण

काठमाडौं,२१–मंसिर । १३ औं दक्षिण एसियाली खेलकुद “साग” अन्तर्गत एथ्लेटिक्सको पुरुष म्याराथुनमा नेपालले स्वर्ण पदक जितेको छ । शनिबार विहान भएको म्याराथुनमा नेपालका किरण सिंह बोगटीले स्वर्ण पदक जितेर इतिहाँस काएम गरेकाछन् ।

दशरथ रंगशालाबाट शुुभारम्भ भएको प्रतियोगिता ४२ दशमलव १९५ किलोमिटर छिचोल्दै पुनः दशरथ रंगशाला मै आएर समापन भएको थियो । किरणले उक्त दुरी २ घण्टा २१ मिनेट १७ सेकेण्डको समयमा पुरा गरे ।

रजत पदक जितेका भारतका राशपल सिंहले २ घण्टा २१ मिनेट ५७ सेकेण्ड समय लगाए । उनी स्वर्णधारी नेपालका बोगटी भन्दा ४० सेकेन्डल पछि परे । कास्य पनि भारतले नै जितेको छ । भारतका श्री सिंहले २ घण्टा २२ मिनेट ०७ सेकेण्ड लगाएर कास्य जिते ।