ग्लोबल आईएमई बैंकका प्रबन्धकको दुर्घटनामा परी मृत्यु

काठमाडौं,२४–मंसिर । सडक दुर्घटनामा परी ग्लोबल आइएमई बैंकको प्रबन्धकको मृत्यु भएको छ । पूर्व–पश्चिम राजमार्गको वोर्डगाउँ नजिक कार दुर्घटना हुँदा ग्लोबल आईएमई बैंक बनगाई शाखाका प्रबन्धकको ज्यान गएको समचार प्राप्त भएकमो छ ।

प्राप्त जानकारी अनुसार बा ६ च ६३९० नम्बरको कार २३ गत्ते बिहान करिब ८ बजेतिर दुर्घटनामा परेको थियो । दुर्घटनमा परी बैंकका प्रबन्धक सुरज पाण्डेको मृत्यु भएको हो ।

कपिलवस्तु नगरपालिका ९ हरनामपुरनिवासी २९ वर्षीय पाण्डेको मृत्यु भएको प्रहरीले जानकारी दिएको छ । तीव्र गतिमा रहेका कारण कार दुर्घटना भएको हुनसक्ने प्रहरीको अनुमान रहेको छ । कार अनियन्त्रित भइ सडक किनारको बिजुलीको पोलमा ठोक्किएर दुर्घटना भएको थियो भने कारमा सवार अन्य ५ जना घाइते भएका छन् उनीहरुको उपचार भइरहेको जानकारी प्राप्त भएको छ ।