दिक्तेलमा शुरु भयो तिन लाख चौध हजार राशीको नगरपालिकास्तरीय मेयरकप ब्याडमिन्टन प्रतियोगिता ।

खोटाङ । खोटाङको दिक्तेल रुपाकोट मझुवागढी नगरपालिका स्थीत दिक्तेल बजारको ब्यबस्थित कबर्डहलमा नगरपालिकास्तरीय मेयरकप ब्याडमिन्टन प्रतियोगिता शुरु भएको छ ।
प्रदेश नम्बर–१ अन्तरगत पर्ने ५४ वटै नगरपालिकाका खेलाडीलाई जमघट गराएर नगरपालिकाको पर्यटन प्रवद्र्धनमा टेवा पु¥याउने लक्ष्यका साथ दिक्तेल रुपाकोट मझुवागढी नगरपालिकाको आयोजनामा मङ्गलबार देखि प्रथम नगरपालिकास्तरीय मेयरकप ब्याडमिन्टन प्रतियोगिता शुरु भएको छ ।
नगरपालिकाको पर्यटकीयस्थलको प्रचार–प्रसार गर्दै पर्यटन प्रवद्र्धनमा सघाउ पु¥याउन नगरपालिकाले जिल्ला ब्याडमिन्टन संघ सँगको सहकार्यमा नकआउट ब्याडमिन्टन प्रतियोगिताको आयोजना गरिएकोकुरा उद्घाटनको क्रममा मेयर दिपनारायण रिजालले ब्यक्त गरेकाछन् ।
आगामी पुस–३ गतेसम्म सञ्चालन हुने प्रतियोगितामा प्रथम स्थान प्राप्त गर्ने टोलीलाई नगद रु एक लाख ५१ हजार, दोश्रो हुनेलाई रु ८१ हजार र दुई सेमीफाइनलिष्ट टोलीलाई ४१ र ४१ हजारका साथमा मेडल र प्रमाणपत्र प्रदान गरिने नगरपालिकाले जनाएको छ ।
प्रदेश नम्बर १ भित्रका नगरपालिकालाई मात्र सहभागी गराइएको प्रतियोगितामा खोटाङसहित उदयपुर, ओखलढुङ्गा, सोलुखुम्बु, भोजपुर, धनकुटा, सङ्खुवासभा, सुनसरी, मोरङ लगायत दश जिल्लाका विभिन्न नगरपालिकाका ३४ टोलीको सहभागिता रहेको छ ।
प्रतियोगितामा झापा, ईलाम, पाँचथर र ताप्लेजुङका नगरपालिकाको भने सहभागिता नरहेको आयोजक समितिका संयोजक अजम्बर राईले जानकारी दिएकाछन् ।