पाउने भए ७ लाख बढी गरिब तथा बिपन्नले निशुल्क बिजुली ।

२० पौष २०७६–काठमाडौ । नेपाल सरकारले गरिब तथा बिपन्नका लागि बिद्युतमा सहयोगको योजना अघि सारेको छ । विद्युत खपत बढाउने आकर्षक योजना अघी सार्दै गरिबलाई निशुल्क बिजुली दिने समेत योजना अघि बढाएको हो । शहरी उपभोक्तालाई लक्षित गरेर ग्यासमा दिदै आएको अनुदान विद्युतीय चुलोमा दिने तथा ग्रामिण गरिव नागरिकका लागि १० युनिट सम्म विजुली सित्तैमा बाल्न दिने योजना ऊर्जा, जलश्रोत तथा सिँचाइमन्त्री वर्षमान पुनले बताएकाछन् ।

विद्युत उत्पादन दिनप्रतिदिन बढिरहेको तर खपत तुलनात्मक रुपमा नबढेको सन्दर्भमा बिजुलीको आन्तरिक खपत बढाउन पनि सरकारले विद्युतीय चुलो प्रवद्र्धन गर्ने नीति लिएको हो । सुरुवातमा १० हजार चुलो अनुदानमा दिने र बिस्तारै बढाउँदै जाने मन्त्री पुनले पत्रकार सम्मेलन मार्फत जानकारी दिएका हुन् ।

‘आगामी बजेटबाट अनुदान दिने तयारी गरेको बिद्युतिय चुल्हेमा ३ हजारदेखि ३५ सय रुपैयाँसम्म छुट दिने गरी तयारी भएको छ । विद्युतीय चुलो बनाउने कम्पनी खोल्न विद्युत प्राधिकरणका कर्मचारीले रुची देखाएका छन् । कर्मचारीले प्राधिकरणको बोर्ड बैंठकमा यसको प्रस्ताव गएको बताए । अब यो कम्पनीको निर्णय प्राधिकरणले गर्नेछ ।

मन्त्री पुनका अनुसार अहिले मासिक २० युनिटसम्मका ग्राहक २० लाख घर धुरी छन् । यसलाई अब १० युनिटसम्म खपत गर्नेलाई निःशुल्क गर्ने र सो भन्दा बढीकालाई मात्रै शुल्क लिने विषयमा पनि गृहकार्य भइरहेको मन्त्री पुनको भनाइ छ । १० युनिटसम्मका ग्राहक करिब ७ लाख छन् ।

‘हामीले एउटा परिवारले इन्डक्सन चुल्हे, रेफ्रिजरेटर लगायतका घरेलु सामान चलाउँदा खपत हुने १ सय देखि १सय १५ युनिटसम्मको विद्युतको महसुल घटाउने तयारी गरेका छौँ’, उनले भने, ‘मुल्य घटेपटि विद्युतको बजार बढ्ने छ ।

१० युनिट भन्दा कम विद्युत खपत गर्ने परिवारहरु गरिबिको रेखामुनी भएकाले उनीहरुले मासिक न्यूनतम ३० रुपैँया तिरे पुग्ने व्यवस्था गर्न लागिएको उनले उल्लेख गरे । ‘विद्युत्को डेडिकेटेड शुल्क पनि हटाउने तयारी भएको छ । यसका लागि आवश्यक अध्ययन समिति बनाउन मन्त्रिपरिषमा प्रस्ताव पेस भएको मन्त्री पुनले जानकारी दिएकाहुन् ।