पुनःनिर्माण प्राधिकरणको करोडौको लगानी, वालुवामा पानी ।

२४ पौष २०७६–खोटाङ । जिल्लाको दिक्तेल–खानीडाँडा–आहाले सडक कालोपत्रेका लागि राष्ट्रिय पुःननिर्माण प्राधिकरणको आर्थिक लगानीमा २०७५ साल मंसिर १ गते शिलान्यास गरिएको दिक्तेल–आहाले १०.७९ किलोमिटर राष्ट्रिय पुःननिर्माण प्राधिकरणको २१ करोड १ लाख ८८ हजार (भ्याट सहित) खर्चमा पुरा गर्नेगरी ठेकेदार कम्पनी याक्तुहाङ साप सिरुवा जेभीले दिक्तेल–आहाले सडक कालोपत्रेको काम जिम्मा लिएको हो ।

उक्त सडकखण्डको कालोपत्रेको काम कछुवागतीमा र गुणस्तरहिन काम भएको भन्ने गुनासो आएपछि बुधबार प्रदेशसभा सांसद उषाकला राई,रामकुमार राई, जिल्ला समन्वय समितिका प्रमुख बबी चाम्लिङ, नेकपाका सचिव रामप्रसाद दंगाल लगायतको टोलीले सडकको अनुगमन सम्पन्न गरेको प्रदेश सभा सदस्य उषाकला राईले जानकारी दिएकीहुन् ।

अनुगमनको क्रममा सडकको कुनामा बनाइएको ड्रेनमा ढुंगालाई ठाडो बनाएर पर्खाल हालिएको, सिमेन्ट र बालुवाको मात्रा नमिलाइ पर्खाल निर्माण गरिएको, माटो मिसिएको र गुणस्तरहिन बालुवा प्रयोग गरिएको, पर्खालको बाहिर बालुवा सिमेन्टको मसला हालेपनि भित्र खोक्रो छाडिएको, सिमेन्ट–बालुवाबाट बनाइएको पर्खाल र ड्रेनलाई पानीले भिजाउने नगरेको,बिभिन्न वालहरु लगाउदा प्वालहरुमा पाईप राख्नु पर्नेमा प्वाल तेसै छोडिएको भित्र सुरुङ जस्तो भेटिएको, माटो मिसिएको बालुवा तथा एक टिन सिमेन्टसँग दश टिन सम्म बालुवा गिटी घोलेर सडकको काममा प्रयोग भएको अनुगमनको प्रतिबेदनमा उल्लेख ।