सडक निर्माणमा चरम लापरवाही

दिवश रिजाल
खोटाङको महुरे–राजापानी सडक कालोपेत्रको काममा ठेकेदारले चरम लापरवाही गरेको पाइएको छ । कालोपत्रेको काम थालिएको खोटाङ र उदयपुर जोड्ने गाईघाट–दिक्तेल सडकको महुरे–फोक्सिङटारमा पर्ने महुरे–राजापानी सडक खण्डमा ठेकेदार कम्पनी भारत कन्ट्रक्सन(सिद्धी शाही जेभीले सडक निर्माणको क्रममा गुणस्तरहीन ढुंगा, गिटी, बालुवा प्रयोग गरिएको पाइएको छ ।
सडक कालोपत्रेको काममा राजापानीको मालास्थित संसारीडांडाको गिटि र साप्सुखोलाको वालुवा प्रयोग गर्ने भनि सम्झौता गरिएको तर निर्माण कम्पनीले अन्यत्रवाट वालुवा र गिटि प्रयोग गरिरहेको स्थानीयहरुको भनाइ छ ।
महुरे–सिमपानी (राजापानी) खण्डमा २२ किलोमिटर लापरवाही तरिकाले गुणस्तरहिन काम गरेको भन्दै स्थानीयले पुस २३ गते करिब ३० मिटर ड्रेन भत्काइदिएका थिए । करिब ९१ करोडको खर्चमा २०७७ साल साउन ११ गतेसम्म निर्माण सम्पन्न गर्नेगरी २०७३ साल असार ३० गते सो कम्पनीले सडक कालो पत्रेको जिम्मा लिएको थियो ।
दिक्तेल रुपाकोट मझुवागढी नगरपालिका–१४ बुईपाका वडाध्यक्ष दिनेश राइका अनुसार महुरेदेखि बुईपा र राजापानीबीचमा सडकको कतिपय मेसीनरी पर्खाल पल्टिएको, मेसिनरी वाललाई पानीले भिजाएर क्यूरिङ नगरिएको, माटो मिसिएको बालुवा प्रयोग गरेको, बेस पनि कमसल ओछ्याइएको पाइएको वताए , “ उहाका अनुसार निर्माण कम्पनीको काममा उस्तै ढिलासुस्ती त छ दैछ त्यै पनि सडकको काम सुरु भएपछि दुई वर्षअघि नै गुणस्तरिय काम गर्न भनिए पनि ठेकेदारले बेवास्ता गरेको वडाध्यक्ष राईले बताए ।
स्थानीयको निगरानिमा रहेको उत्त सडक कालोपत्रे निगरानी गर्दागर्दै पनि महुरेदेखि स्वास्थ्यचौकी बुईपासम्मको करिव २ सय मिटर क्षेत्रमा गुणस्तरहिन काम भएको स्थानीयहरु बताउँछन् । भारत कन्ट्रक्सन(सिद्धी शाही जेभीका फिल्ड को–अर्डिनेटर पुष्प शाहीले पनि सडकको संरचना कमजोर बनेको स्वीकार गरेका छन ।
शाहीले पहिला खटाइएका साईड इन्चार्जले गुणस्तरहिन काम गराएकाले कमजोर संरचना भत्काएर सच्याउने प्रतिवद्धता समेत जनाएका छन् । पुर्वी नेपालका तराई जोड्ने मार्गका रुपमा रहेको गाईघाट–दिक्तेल सगरमाथा राजमार्ग अन्तरगत फोक्सिङटार–सिमपानीभञ्ज्याङको कामको प्रगती समेत सन्तोषजनक नभएको स्थानीले बताएका छन ।