मकवानपुरको थाहा नगरपालिका स्थीत एक रिसोर्टमा बेहोस भएका आठ भारतियको मृत्यु ।

७ माघ २०७६–काठमाण्डौ । मकवानपुरको थाहा नगरपालिकास्थीत पर्यटकीय क्षेत्र दामनको एक रिसोर्टमा बेहोस भएका भारतिय पर्यटकहरुको उपचारका क्रममा मृत्यु भएको छ ।
प्रहरीका अनुसार हेलिकप्टरबाट काठमाण्डौ ल्याइएका आठ जना भारतिय नागरिकहरुको ह्याम्स अस्पतालमा उपचारगर्ने क्रममा मृत्यु भएको जानकारी प्राप्त भएको हो ।
सोमबार थाहा नगरपालिका(४ सिमभञ्ज्याङस्थित होटल एभरेष्ट पानोरमा रिसोर्टमा बसेका भारतीय पर्यटक मंगलबार बिहान अचेत अवस्थामा भेटिएका थिए । उनीहरूमध्ये पाँच जनालाई उपचारका लागि हेलिकप्टरबाट काठमाडौं ल्याइएको कुरा प्रहरीले जनाएको छ ।
‘उपचारमा ल्याइएकामध्ये पाँच जनाको मृत्यु भइसकेकोछ भने अन्य तीन जनालाई लिन पुनःहेलिकोप्टर गएको थियो तर उनीहरूलाई अस्पताल ल्याउनासाथ मृत घोषणा गरिएको थियो । मृत्यु हुने दुई जना महिला र दुई पुरूष र चार बालबालिका रहेका छन् मृत्युको कारण भने हालसम्म खुल्न नसकेको प्रहरीको भनाई रहेको छ ।