खोटाङमा चाम्लिङ भक्तबहादुर अदनसरी अक्षयकोष स्थापना ।

१४ माघ २०७६–खोटाङ । जिल्लाको दिक्तेल रुपाकोट मझुवागढी नगरपालिका वडा नं. १४ बुइपामा चाम्लिङ भक्त बहादुर अदमसरी अक्षय कोष स्थापना भएको छ । जिल्लाकै पुरानो बिद्यालय लाई लक्षित गरी रु दुई लाख राशीको अक्षयकोष श्री चम्पवती माध्यमिक विद्यालय बुइपामा स्थापना भएको हो ।

स्थानिय बुइपा कट्टीमा जन्मिएका शिक्षाप्रेमी तथा समाजसेवी चाम्लिङ भक्तबहादुर राईले एक औपचारिक कार्यक्रमको आयोजना गरी आज कोषको स्थापना गरेको निजका कान्छा छोरा तथा नेकपाका १४ नं. वडा कमिटी संयोजक मिलन राई ले जानकारी दिएकाछन् ।

सोही कार्यक्रमको अबसरमा चाम्लिङ भक्तबहादुर को छोरीहरु मेनुका राई,जमुना राई र इनु राईले आँफु अध्ययन गरेको बिद्यालयलाई ३० थान कुर्सी हस्तान्तरण गरको कुरा राईले जनाएकाछन् । औपचारिक शिक्षा समेत हासिल नगरेका चाम्लिङ भक्त बहादुर ,चाम्लिङ भाषाका ज्ञाता समेत रहेकाछन् । निजले यस अघीनै चाम्लिङ भाषाको दुईवटा पुस्तक प्रकाशन गरिसकेकाछन् ।

ब्रिटिस आर्मीका पेन्सनर समेत रहेका राई हाल यु.के.मा बस्दै आएकाछन् ,निजले शिक्षाको बिकासमा जहाँ बसेपनि सबैले योगदान दिनुपर्छ भन्ने भावनाको विकास गर्नका लागि दुई लाख राशीको अक्षयकोष को स्थापनागरेको र सो कोषको ब्याजबाट आधारभुत तहका उत्कृष्ट अंक ल्याउने दुई छात्राहरुलाई पुरस्कृत गर्ने र खुला बाट उत्कृष्ट दुई जनालाई पुरस्कुत गर्ने घोषणा गरेको जानकारी प्राप्त भएको छ ।

चम्पावती माध्यमिक विद्यालयका प्रधानाध्यापक खगेन्द्र राईको अध्यक्षतामा सम्पन्न कार्यक्रमको प्रमुख अतिथी वडा शिक्षा समितीको अध्यक्ष दिनेश राईले कार्यक्रममा सम्बोधन गर्दै सबै वडाबासीहरुलाई शिक्षामा लगानी गर्न र हातेमालो गर्नका लागि अपिल गरेका छन्, राज्यको सुखी नेपाली ,समृद्व नेपालको नारा सार्थक बनाउन सबै लागि पर्नु पर्ने कुरा ब्यक्त गरेका थिए ।