सरस्वती नमुना माद्यामिक विद्यालयको ६७औं वार्षिक उत्सव सप्ताहव्यापी रुपमा

दिवश रिजाल खोटाङ, माघ १७

खोटाङको सरस्वती नमुना माद्यमिक विद्यालय दिक्तेलको ६७ औं वार्षिक उत्सव सुरु भएको छ । “अनुभव र सकारात्मक सोचाइ, वालमैत्री हाम्रो सिकाइ, हाम्रो रहर सगर छुने, नमुना बनि शिखर चुम्ने” भन्ने नाराका साथमा विद्यालयले सप्ताहव्यापी रुपमा वार्षिक उत्सव मनाउने भएको हो ।
वार्षिक उत्सवको अवशरमा दिक्तेल रुपाकोट मझुवागढी नगरपालिकाका प्रमुख दिपनारायण रिजाल र उपप्रमुख विणादेवी राईले पानसमा वत्ती वालेर उद्घाटन गर्नुभएको थियो । उद्घाटन पछि विद्धालयको वार्षिक मुखपत्र ‘सरस्वती’ को नगरप्रमुख र उपप्रमुखले एकसाथ विमोचन समेत गरेका थिए ।
आगामी २३ गतेसम्म मनाईने वार्षिक उत्सवमा विभिन्न कार्यक्रमहरुको आयोजना गरिने छ । उत्सवको पहिलो दिन उद्घाटनपछि अन्तर सदनात्मक सामूहिक नृत्य प्रतियोगिता भएको थियो ।
दोश्रो दिन अन्तर सदनात्मक छात्रछात्रा कवडी प्रतियोगिता, तेश्रो दिन अन्तर सदनात्मक छात्रछात्रा भलिवल प्रतियोगिता, चौथो दिन छात्रछात्रा ट्याक इभेन्टस दौड प्रतियोगिता, पाँचौ दिन अन्तर सदनात्मक बादबिवाद र बक्तृत्वकला प्रतियोगिता, छैटौ दिन कक्षा १–३ का वालवालिकाको अतिरिक्त क्रियाकलाप तथा दिक्तेल रुपाकोट मझुवागढी नगरपालिका स्तरीय अन्तर मावि ‘सरस्वती हाजिरी जवाफ’ प्रतियोगिता र माघ २३ गते पुरस्कार वितरणसँगै वार्षिक उत्सवको समापन कार्यक्रम रहेको छ ।
२००९ सालमा स्थापना भएको विद्धालयले सरकारी तथा व्यक्तिगत रुपमा सहयोग प्राप्त गर्दै हालसम्म आइपुग्दा भौतिक तथा शैक्षिक गुणस्तरमा उल्लेख्य परिवर्तन गरेको छ । यसवर्ष मात्रै स्वास्थ्य विद्धालय, सीसी क्यामेरा जडान, धुलोरहित विद्धालयको लागि आर्थिक संकलन र अक्षयकोष स्थापनाजस्ता कार्यहरु विद्धालयको महत्वपूर्ण उपलब्धि हासिल गरेको प्रधानाध्यापक ध्यानबहादुर राईले बताए । विद्धालयमा शिशु कक्षादेखी कक्षा १२ सम्म १ हजार ६ सय ४१ जना विधार्थी अध्ययनरत छन् भने ३० जना शिक्षक र ६ जना कर्मचारी विद्धालयमा कार्यरत रहेको प्रध्यानाध्यापक राइले जानकारी दिए