अस्ताए वरिष्ठ पत्रकार दुर्गानाथ शर्मा ।

२२ माघ २०७६– काठमाडौ । वरिष्ठ पत्रकार दुर्गानाथ शर्माको ७३ वर्षको उमेरमा आज निधन भएको छ ।

२४ वर्षअगाडि मुटुको सर्जरी गरिएका शर्मालाई इन्फेक्सन भएपछि उपचारका लागि गंगालाल अस्पताल लगिएको थियो । गंगालालमा ५ दिनसम्म उपचारपछि उनलाईलाई मंगलबार राति मनमोहन कार्डियोथोरापिक भास्कुलर तथा ट्रान्सप्लान्ट सेन्टरमा भर्ना गरिएको थियो । मनमोहन कार्डियोथोरापिक भास्कुलर तथा ट्रान्सप्लान्ट सेन्टरमा भेन्टिलेटरमा राखेर उपचार भइरहँदा शर्माको आज निधन भएको हो ।

लामो समय नेपाली पत्रकारीता पेशामा आबद्द शर्माले गोरखापत्र संस्थान, रेडियो नेपाल हुँदै नेपाल टेलिभिजनको महाप्रवन्धक समेतको जिम्मेवारी कुशलतापूर्वक निर्वाह गरेका थिए । रेडियो नेपालको चर्चित कार्यक्रम घटना र बिचार जस्ता कार्यक्रम हुदै नेपाल टेलिभिजनलाई एउटा उचाईमा पु¥याएका शर्माको दाहसंस्कारमा राज्यले सम्मान नगरेको प्रती परिवारको दुखेसो रहेको पारिवारीक श्रोतले जनाएको छ ।

शर्माको हिन्दु संस्कार अनुसार आजै पशुपति आर्यघाटमा अन्त्येष्टि गरिएको परिवारले जनाएको छ । शर्माका २ छोरा र श्रीमती छन ।