आफ्ना प्रतिस्पर्धीको तस्वीर कार्यकक्षमा राखेर कामको रफ्तारमाा – मेयर महेश खरेल ।

२२ माघ २०७६–काठमाण्डौ । उच्च शिक्षा अध्ययनका लागि अमेरिका पुगेर एमबीएसम्म इन्टरप्रेनरसीपको अध्ययन गरेका खरेलले अमेरिकाको मार्टमा नाङ्लोदेखि व्यापार शुरू गरेर धेरै कमाइ हुने ग्यास स्टेसनसम्म खोले, व्यापार फस्टाएकै थियो, तर उनमा नेपाल फर्किने आकांक्षा थियो पाँचखालका मेयर महेश खरेलको ।
कार्यकक्षमा तीनवटा तस्वीर राखिएका छन् , राष्ट्रपति विद्यादेवी भण्डारी, स्थानीय तह निर्वाचनका आफ्ना निकटतम् प्रतिस्पर्धी उम्मेदवार रुद्रबहादुर बानियाँ (जसको अघिल्लो वर्ष निधन भयो) र अर्का पाँचखालका एक समाजसेवी धर्मसिंह तामाङको ।
आफ्ना प्रतिस्पर्धी बानियाँबारे खरेलले भने ‘उहाँ अत्यन्त समाजसेवी हुनुहुन्थ्यो, चुनाव मैले जितेपनि उहाँ मेरो आदर्श हो, त्यसैले तस्वीर कार्यकक्षमा राखेको छु ।’
स्थानिय तहको चुनाब जिते संगै राज्यबाट तलब सुविधा नलिने घोषणा गरेका मेयरले तलब लिएनन् । यद्यपि अहिले स्थानीय तहका अन्य जनप्रतिनिधिको पनि तलब सर्वोच्च अदालतले रोकिदिएको छ ।
अघिल्लो शुक्रवार सामाजिक सञ्जालमा एउटा तस्वीर भाइरल बन्यो अमेरिकाबाट फर्किएका मेयरले गरेको काम । काभ्रेको पाँचखाल नगरपालिकाका मेयर महेश खरेलले एक वृद्धलाई आफ्नो कोट फुकालेर लगाइदिएको तस्वीर । त्यसैगरी त्यही साता अर्को पनि चर्चा भयोकी कार्यक्रममा अमेरीका गएकी उपमेयर दन्ता नेपाली अमेरिका गएर उतै बसेको । राष्ट्रिय सभा चुनावमा भोट हाल्न नआएपछि जताततै चर्चा भएको थियो ।
यद्यपि उनले आफू उपचारका लागि अमेरिकामा बसेको भन्दै लुकेको भन्ने समाचारको खण्डन गरिसकेकी छन् । आफूलाई बाँच्न दिन उनको अपिल छ । यो प्रसंगलाई यहीँ छाडौं ।
मेयर खरेलको कामलाई कतिले नेपालमा नयाँ लक्ष्मीप्रसाद देवकोटा को जन्म भनेर संज्ञा दिए भने कतिपयले ‘स्टन्ट’ गरेको भन्ने टिप्पणी समेत गरे ।
बुझ्दै जाँदा थाहा भयो, उनको त्यो काम स्टन्ट नभएर मानवीयता थियो । उनी अपवाद मेयर रहेछन् जो अमेरिकाको सुखसयल छाडेर नेपाल फर्किई अहोरात्र जनताको सेवामा खटिएका छन् । महेश राजनीतिक परिवारमा जन्मिएका र जन्मजात राजनीतिक संस्कार सिकेका शिक्षित युवा हुन् । उनी जन्मिँदा उनका पिता राजेन्द्र खरेल कारागारमा थिए ।
नेपाली राजनीतिमा निष्ठाको राजनीतिका पर्याय कृष्णप्रसाद भट्टराईका अनुयायी राजेन्द्रको संस्कार महेशमा पनि देखिन्छ । कृष्णप्रसाद भट्टाईले चुनावमा सघाउन बाल कांग्रेस गठन गरेका थिए, जसको संयोजक थिए खरेल । कांग्रेससँगको राजनीतिको त्यो साइनोको डोरीले खरेललाई अमेरिकाबाट फेरि नेपाल फर्कायो ।
उनै मेयर खरेल हाल नेपालको राजधानी काठमाण्डौको बिकल्पका रुपमा पाँचखाल नगरपालिकालाई विकासको मोडल बनाउन लागिपरिरहेको स्थानियहरु बताउछन् । चर्चाको लागि नभएर आफु नेपाली राजनितीका रोलमोडल कृष्णप्रसाद बाट प्रभावित भएकोले दिगो तथा प्रभावकारी विकासमा लागी परेको बताएकाछन् ।