४२ लाख घुस लिएको आरोपमा अधिवक्ता टंकबहादुर राना मगर पक्राउ ।

२४ माघ २०७६–काठमाडौं । राजस्व चुहावट मुद्दामा जेल जिवन बिताइरहेको व्यक्तिलाई जेलबाट छुटाइदिन्छु भन्दै घुस लिएको आरोपमा कानुन ब्यबसायी अधिवक्ता टंकबहाुर राना मगर लाई अनुसन्धानका लागि प्रहरीले आज पक्राउ गरेको समचार प्राप्त भएको छ ।

पक्राउ परेका अधिबक्ता राना मगर माइतीघरस्थित जन न्यायिक कानुनी सेवामा कार्यरत रहेको महानगरिय अपराध अनुसन्धान महाशाखाले जानकारी दिएको छ ।

अधिबक्ता मगरले नख्खु कारागारमा जेल जिवन बिताइरहेका रमेश दाहाललाई भनसुनको आधारमा छुटाइदिन्छु भन्दै दाहालको परिवारबाट ४२ लाख रुपैयाँ घुस लिएको प्रहरीको दाबी छ ।

दाहाल राजस्व चुहावटको आरोपमा २७ मंसिर २०७५ मा पक्राउ परेका थिए र उनीलाई अदालतले २ करोड २५ लाख रुपैयाँ धरौटी मागेको थियो ।