प्रमुख प्रतिपक्ष दल कांग्रेसद्वारा लगातार तिन दिन सम्म संसद अवरुद्ध ।

२७ माघ –काठमाडौं, । प्रमुख प्रतिपक्षी दल नेपाली कांग्रेसले लगातार तेस्रो दिन आज पनि प्रतिनिधिसभाको बैठक अवरुद्ध गरेको जानकारी आएको छ ।

आइतबार दिउँसो बाट शुरु भएको प्रतिनिधिसभाको बैठक सभामुखले आरम्भ भएको घोषणा गर्न साथ कांग्रेस सांसदहरुले उठेर विरोध जनाएको खबर प्राप्त भएको छ ।

कांग्रेस संसदीय दलका उपनेता तथा उपसभापती विजयकुमार गच्छदारविरुद्ध बालुवाटारको सरकारी जग्गा हिनामिना गरेको आरोपमा अख्तियार दुरुपयोग अनुसन्धान आयोगले विशेष अदालतमा भ्रष्टाचारको मुद्दा दर्ता गरेपछि कांग्रेसले भातृ संगठनहरुले सडक र पार्टीले सदनबाट विरोध गर्दै आएको छ ।

आइतबार सञ्चालित बैठकको शुरुमै कांग्रेसका सांसद दिलेन्द्रप्रसाद बडुले बोल्न खोजे पनि सभामुख सापकोटाले उनलाई बोल्ने समय दिएनन् ।

आफुले कांग्रेसलाई यसअघिका दुई बैठकमा एउटै विषमा बोल्न दिएको भन्दै आइतबारको बैठकमा शभामुख सापकोटाले बोल्ने अनुमति नदिएको बताएका थिए ।संसदको अर्को बैठक सोमबार दिउसो १ बजे बस्ने सभामुख सापकोटाले सदनलाई जानकारी गराएकाछन् ।