विद्यार्थी नेता मिलन राईको तेस्रो स्मृती सभा सम्पन्न ।

२७ माघ २०७६ –काठमाण्डौ । बिगत तिन बर्ष अगाडी नेकपा ऐमालेको भातृ संगठन अनेरास्ववियुको स्ववियु चुनावको लागि काठमाण्डौ देखी खोटाङ जाने क्रममा भक्तपुरको चारदोबाटोमा स्कुटर दुर्घटनामा परेर ज्यान गुमाएका विद्यार्थी नेता मिलन राईको स्मृती सभा सम्पन्न भएको छ ।
मिलन राई स्मृती प्रतिष्ठानको आयोजनामा कोटेश्वर स्थीत किराँत राई यायोक्खाको कार्यक्रम हलमा आयोजित उक्त कार्यक्रममा नेकपाको केन्द्रिय तथा जिल्ला स्थीत नेता तथा कार्यकर्ताहरुको उल्लेख्य उपस्थिती रहेको प्रतिष्ठानका अध्यक्ष तथा मृतक राईका दाजु पदम थुलुङले जानकारी दिएकाछन् ।
संघिय सांसद तथा नेकपाका केन्द्रिय सदस्य बिशाल भट्टराईका स्वकिय सचिब समेत रहेका राईको देहबसान पछाडी उनको नाममा स्थापना गरिएको प्रतिष्ठानले राईको नाममा बार्षिक मिलन राई स्मारिका प्रकाशन गर्दै आएको,मिलन राई स्मृती पार्क निर्माणको चरणमा रहेको साथै जिल्लामा १० लाख बराबरको मिलन राई अक्षय कोष स्थापना गर्नको लागि योजना बनाएको प्रतिष्ठानका अध्यक्ष थुलुङको भनाई रहेको छ ।
स्मृती सभालाई सम्बोधन गर्दै कार्यक्रमका प्रमुख अतिथी तथा संघिय सांसद बिशाल भट्टराईले खोटाङको साबिककको लामिडाँडा गाबिस स्थीत चिउरीबासमा जन्मिएका मृतक राईको सपना नै निकट भबिष्यमा बन्दै गरको दुधकोशी हाइड्रो योजना रहेको स्मरण गरेका छन् । कार्यक्रमा मन्तब्य दिने क्रममा मिलन राई को सपना साकार गर्न सबै नेता तथा कार्यकर्ताहरुलाई सांसद भट्टराईले अपिल समेत गरेका छन् ।