सांसद भट्टराईको एकबुदे माग, सरकारी जग्गा आफ्नो नाममा राख्ने कसैलाई उन्मुक्ती दिनुहुन्न ।।

१ फाल्गुन २०७६–काठमाण्डौ । नेपाल कम्युनिष्ट पार्टीका केन्द्रीय सदस्य तथा प्रतिनिधीसभा सांसद विशाल भट्टराईले बालुवाटारस्थित ललिता निवासको सरकारी जग्गा आफ्नो नाममा राख्ने जो कोहीलाई कानूनी कठगरामा ल्याउन सरकारसँग माग मागगरेकाछन् ।

बुधबारको प्रतिनिधिसभा संसदमा शुन्य समयमा बोल्दै भट्टराईले सरकारी स्वामित्वको जग्गा आफ्नो नाममा राख्नेलाई अदालत र अख्तियारले कारबाही गर्नुपर्ने धारणा राखेकाहुन् ।

नेपालको केन्द्र काठमाडौं, काठमाडौंको पनि केन्द्र बालुवाटार जस्तो ठाउँको सरकारी स्वामित्वको जग्गा हाकाहाकी आख्ने स्वामित्वमा पार्ने हर्कत गर्ने हरेकलाई अख्तियार र अदालतले कारबाही गर्नुपर्ने सांसद भट्टराईको तर्क थियो ।

“देशभरका अतिक्रमित सम्पूर्ण सरकारी जग्गा खोजबिन गर्नका निम्ति उच्चस्तरीय आयोग गठन गरेर सरकारले यथाशीघ्र कदम अगाडि बढाओस”, सांसद ले भने, “सरकारी तथा गुठीको जग्गा अतिक्रमण गर्ने जोकोहीलाई उन्मुक्ती दिनुहुन्न ।”