प्रथम खोटाङ दिक्तेल महोत्सवको मुख्यमन्त्री राईद्वारा उद्घाटन ।

२ फागुन २०७६–खोटाङ,। ‘प्रथम खोटाङ दिक्तेल महोत्सव, हामी सबैको उत्सव, आर्थिक समृद्धिको आधार, व्यवसाय प्रवद्र्धनको पूर्वाधार’ भन्ने नाराका साथ जिल्लाको प्रमुख व्यापारिक केन्द्र दिक्तेलबजारमा सञ्चालन गर्न लागिएको ‘प्रथम खोटाङ दिक्तेल महोत्सवको एक नं. प्रदेशका मुख्यमन्त्री शेरधन राईद्वारा आज अद्घाटन हुने आयोजक उद्योग वाणिज्य संघ ले जनाएको छ । फागुन–२ गतेदेखि १२ गतेसम्म महोत्सव सञ्चालन हुनेछ ।
फागुन–२ गतेदेखि १२ गतेसम्म सञ्चालन हुने महोत्सबमा खोटाङ जिल्लाको आर्थिक तथा सामाजिक उत्थानका लागि पर्यटन, उद्योग, व्यापार, शिक्षा, स्वास्थ्य, कृषि, वन पैदावार, जडिबुटी बजारीकरण तथा पर्यटन प्रवद्र्धनमा टेवा पु¥याउने लक्ष्यका साथ दिक्तेल रुपाकोट मझुवागढी नगरपालिकाको प्रवद्र्धनमा महोत्सवको आयोजना गरिएको आयोजक उद्योग वाणिज्य सङ्घका अध्यक्ष उपिनकुमार राईले बताएकाछन् । महोत्सवमा स्थानीय कृषि उपज, जडिबुटी, ह्याण्डीक्राफ्ट, राष्ट्रिय कृषि प्रविधि, औधोगिक उत्पादन, बैङ्क तथा वित्तीय संस्था र सेवा, अटोमोबाइल, सवारी साधन, फ्लोरिकल्चर, गार्मेन्ट लगायतका १२० वटा स्टल रहने जानकारी प्राप्त भएको छ ।
आदिबासी जनजातिको साँस्कृतिक भेषभुषा प्रदर्शनी, सूचना प्रविधि प्रदर्शनी, कृषिजन्य वस्तुको प्रतियोगितात्मक प्रदर्शनी, हस्तकला प्रदर्शनी, बाल उद्यान तथा विविध मनोरञ्जनात्मक स्टल, जातीय खानाका मौलिक परिकारको बिक्री तथा प्रदर्शनी लगायत महोत्सवको प्रमुख आकर्षण हुने वाणिज्य सङ्घका महासचिव मनोज बजिमयले बताए । दिक्तेलको माटिकोरे खेलमैदानमा आयोजना गरिएको छ ।
दश दिने महोत्सवको अवधिमा करीब एक अर्बको कारोबार हुने प्रक्षेपण गरिएको आयोजकले जनाएको छ । जिल्लाको धार्मिक, साँस्कृतिक, रमणीय तथा प्राकृतिकस्थल, मौलिक सँस्कृतिको बारेमा जानकारी पाउनेगरि आयोजना गरिएको महोत्सवमा करीब एक लाखभन्दा बढी अवलोनकर्ताको सहभागिता रहने जनाइएको छ ।
महोत्सवको माध्यमबाट पर्यटन सम्बन्धि प्रचारप्रसार हुँदा जिल्लाका होटल, लज लगायतका सेवामुलक उद्योग व्यवसाय फस्टाउनमा योगदान पुग्ने अपेक्षा गरिएको नगरप्रमुख दिपनारायण रिजालले बताएकाछन् । “निरासाजनक अवस्थामा रहेको जिल्लाको व्यवसायिक क्षेत्रलाई नयाँ सिराबाट प्रवद्र्धन गर्न महोत्सवको आयोजना गरिएको हो”, “नरपालिकाको प्रवद्र्धनमा आयोजना गरिएको महोत्सवले जिल्लाको धार्मिक तथा पर्यटकीय क्षेत्रको प्रवद्र्धन गर्दै स्थानीय उत्पादन, जडिबुटी, वनपैदावार, हस्तकलाको बजार प्रवद्र्धनमा योगदान पुग्ने अपेक्षा गरिएको नगरप्रमुख रिजालको भनाई रहेको छ ।”
महोत्सवको अवधिमा राष्ट्रिय तथा स्थानीय कलाकारको बेजोड प्रस्तुति रहने जानकारी दिइएको छ । महोत्सवको अवसर पारेर एकहप्ता अघीदेखी दिक्तेलबजार बेहुली झै सिङ्गारिएको छ ।