साकेला गाँउपालिका नास्पाती मेहेल हब बनाउदै ।

१४ फाल्गुण २०७६–खोटाङ । जिल्लाको साकेला गाउँपालिका कृषिमा दिगो बिकास गाँउकै नास्पाती र मेहेल निकासका लागि “नास्पति मेहेलको हब, साकेला गाउँपालिका” भन्ने मुल नाराका साथ यसै आर्थिक वर्ष २०७६÷०७७ बाट स्थानिय जातका नास्पाती र मेहेलको हब को विकासमा लागेको पालिकाको अध्यक्ष अर्जुन कुमार खड्काले जानकारी दिएकाछन् ।
“नास्पति मेहेलको हब, साकेला गाउँपालिका” भन्ने उद्घोषलाई मूर्त रुप दिन साकेला गाउँपालिकाको सहयोगमा हलेसी भेराइटी फुड्स प्रोडक्सन एण्ड प्रोसेसिङ सेन्टरका प्रोप्राइटर कविकुमार राईलाई टेम्के साप्सुश्री फलफूल तथा नर्सरी स्थापना कार्यक्रमको जिम्मेवारी दिईएको अध्यक्ष खड्का को भनाई रहेको छ ।
लामो समय गैसस तथा अन्तराष्ट्रिय गैससहरुमा दिगो विकासको अनुभब बटुलेका कविकुमार राई को अबधारणमा स्थानिय जातका, गाँउमा खेर गइरहेको साथै सजिलै ब्यबस्थापन गर्न सकिने दिगो आम्दानीको श्रोत जसलाई उत्पादन गर्नका निम्ति ठुलो खर्च नलाग्ने स्थानिय जातकै नास्पाती र मेहेलको हवको रुपमा विकास गर्न पालिकाले साथ दिएको राईको भनाई रहेको छ ।
निकट भविष्यमा अन्य पलिकाहरु संगपनि सहकार्य गरेर दिगो आम्दानीको आधार बनाउन सकिने जसको उत्पादन पछी प्रशोधन गरि बाहिर निर्यात गर्न सकिने जसबाट बन्ने जुस,जाम,वाइन लाई बाहिर निर्यात गर्दा स्थानियको दिगो रोजगारी आम्दानीमा बृद्दीहुने राईले जनाएकाछन् ।
यस्तो किसिमको अबधारणलाई मुर्तरुप दिनको लागि साकेला गाउँपालिकाको वडा नं. २, रतञ्छामा स्थानीय जातका नास्पति तथा मेहेलहरुको १४,००० भन्दा बढि विरुवाहरु नर्सरी गरिसकिएको अध्यक्ष खड्काले बताएकाछन् ।