एसइई निर्धारित तालिकामै सञ्चालन हुने,हल्लाको पछाडी नलाग्न मन्त्रीको अनुरोध ।

२४ फाल्गुण २०७६–काठमाण्डौ । शिक्षा, विज्ञान तथा प्रविधि मन्त्रालयले चैत ६ गते देखी सञ्चालन गर्ने योजना बनाएको एसइई परिक्षा निर्धारित समयमै हुने भन्दै हल्लाको पछाडि नलाग्न विद्यार्थी र अभिभावकलाई आग्रह गरेको खबर प्राप्त भएको छ ।

कोरोना भाइरसको संक्रमणबारे सचेतना अपनाइएको र सरकार सर्तक पनि रहेकाले परीक्षा हुनेमा ढुक्क हुन मन्त्रालयले आग्रह गरेको हो ।

’कोरोना भाइरसले विश्वव्यापी आतंक मच्चाएको साँचो हो, तर नेपालमा आजसम्म उल्लेख्य घटना भएको छैन’, शुक्रवार मन्त्री गिरिराजमणि पोखरेलले भने, ’सरकारले सम्भावित परिस्थितीलाई गम्भीर ढंगले विश्लेषण गरेको छ ।

मन्त्रालयले चालू शैक्षिक सत्रको परीक्षा लिन निर्देशन दिएअनुसार कक्षा १–९ को परीक्षा हुनेछ । एसइई पूर्वनिर्धारित तालिकामै सञ्चालन हुनेछ ।’ कान्तिपुर दैनिकमा खबर छ ।