रावासावा प्राज्ञिक समाजको साधारण सभा सम्पन्न, अध्यक्षमा टीका चाम्लिङ

दिवस रिजाल, फागुन २७ खोटाङ ।
रावासावा प्राज्ञिक समाजको १० औँ साधारण सभा सम्पन्न भएको छ । भक्तपुरको एभरेष्ट स्कुलमा सम्पन्न सभावाट टीका चाम्लिङ अध्यक्षतामा १३ सदस्य रहने गरी समाजको नयाँकार्य समिति गठन गरेको हो ।
निर्विरोध निर्वाचित नयाँ कार्यसमितिको उपाध्यक्षमा ः बम बानियाँ, सुरेश हाचेकाली, चन्द्र रानाहछा महासचिवमा यादेवी ढकाल, सचिवमा भरत मगर र कोषाध्यक्षमा आनन्द भट्टराई सर्वसम्मत चयन भएका छन । यसै गरि सदस्यहरुमा श्रीराम राई, अम्बिका राई, अगम राई, रश्मि राई, महेश पुरी छन । कार्यक्रममा निर्वाचन मण्डलको संयोजकमा देवराज कटुवाल सदस्यहरुमा मनोज श्रेष्ठ र भुपराज खड्का चयन भएका छन ।
कार्यक्रमा खोटाङका प्रतिनिधि सभा सदस्य मा. विशाल भट्टराईको प्रमुख आतिथ्यमा सम्पन्न भएको थियो ।
काठमाडौंमा रहेका खोटाङेहरूको संस्था रावासावा प्राज्ञिक समाज नेपालको १० औं साधारण सभामा विभिन्न विधामा कलम चलाएका ख्याति प्राप्त नागरिक अगुवाहरुलाई सम्मान एवम् पुरस्कार वितरण कार्यक्रम समेत भएको थियो । समाजले रावासावा कमलाभक्त साहित्य पुरस्कार २०७६ नगेन्द्रराज रेग्मीलाई अर्पण गरेको छ भने रावासावा कमलाभक्त संगीत पुरस्कार २०७६ शिव संगम राईलाई प्रदान गरिएको थियो ।
यसैगरी रावासावा बोलराज सुशीला कला पुरस्कार २०७६ ज्ञानेन्द्र विवशलाई अर्पण गरिएको थियो । उक्त समाजको सम्मानतर्फ रावासावा शिक्षा सम्मान २०७६ शुभशेर राईलाई, रावासावा समाजसेवा सम्मान २०७६ बिष्णु आभुषणलाई, रावासावा नारी जागरण सम्मान २०७६ कुमारी कृष्ण राईलाई, रावासावा साहित्य सम्मान २०७६ रक्षा राईलाई, रावासावा शिक्षा सम्मान २०७६ गणेश अधिकारीलाई र रावासावा शिक्षा सम्मान २०७६ भोलाहरी धिताललाई अर्पण गरिएको छ प्रतिनिधि सभा सदस्य विशाल भट्टराईले जानकारी दिए ।