करदाताहरु थप शुल्क र व्याज तिर्नबाट बचेका छन् , कर अधिकृत राई

दिवस रिजाल, चैत्र २ खोटाङ ।
खोटाङमा करसेवा कार्यालय स्थापना हुँदा करदाताहरु थप शुल्क र व्याजबाट बचेको करदाता सेवा कार्यालयका खोटाङ शाखाका कर अधिकृत गोपाल राईले वताएका छन् । २०७५ चैत्र २८ गते विधिवत रुपमा सेवा सुभारम्भ गरेको यस कार्यालयले कर दाताले कर शिक्षा र चेतनामा वुद्धि भएको वताएको छ ।खोटाङमा करसेवा कार्यालय स्थापना भएको एक वर्षको  तुलनामा  करिब ७ हजार कर दाताहरु बढेका छन । २०७५ चैत्र २८ गते विधिवत रुपमा सेवा सुभारम्भ गरेको यस कार्यालयले कर दाताहरुको सङख्या २ हजार ४ सय ३४ थियो । करदाता सेवा कार्यालय खोटाङका कर अधिकृत राईका अनुसार विगत एक वर्षको अनुपातमा कर कलेक्सन् रेट बढेको वताएका छन् । उनका अनुसार आज सम्मको कर दाताको सङख्या ८ हजार ८ सय ९३ पुगिसकेको छ, “विगत एक वर्षको अनुपातमा हामिले ६ हजार ४ सय ५९ कर दाताहरु वनाई सकेका छौं ।”
करदाता सेवा कार्यालायले विशेषगरी सेवा मात्रै प्रदान गर्ने कर अधिकृत राईले वताए । उँहाका अनुसार यस कार्यालयले करदाताहरुलाई सेवा दिनुका साथै दर्ता भएका तर प्यान नं नलिएका व्यवसायीहरु लाई विस्तारै करको दायरामा ल्याईने वताएका छन् । उनले भने यस कार्यालयबाट धेरै जसो साना साना कर दाताहरुलाई सजिलो भएको छ,“ १५ सय कर तिर्नको लागि ४÷ ५ हजार रुपिँया खर्चिनु पर्ने वाध्यता हटेको छ ।” जो खोटाङमा दर्ता भएर वसेका कर दाताहरु छन् जस्लाई दर्ता पछाडीको करको विषयमा शिक्षा र ज्ञानको कमिले शुल्क र व्याजको भागेदारि भै रहेका छन् ।” उनले भने कर दाता सेवाकार्यालय स्थापना भएसँगै विस्तारै वढी शुल्क र व्याज तिर्नु पर्ने वाध्यता हट्दै गएको छ ।
अनौपचारीक निकायहरु जो घरेलू र वाणिज्य संघमा दर्ता भएका तर प्यान नं नलिएका पनि थुप्रै व्यवसायीहरु रहेको कर कार्यालयले वताएको छ । तथ्याङ्क विभागले आर्थिक जनगणना गर्दा दर्ता भएका ठुला व्यवसायीहरु धेरै कम रहेको तथ्याङ्कमा उल्लेख छ । दर्ता भएका तर प्यान नं नलिएका व्यवसायीहरु लाई विस्तारै करको दायरामा ल्याईने कर अधिकृत राईले दाबी गरे ।
वजार अनुगमनका क्रममा हप्ताको एक पटक र आवश्यक परेको खण्डमा जुनसुकै समयमा वजार अनुगमन गरिरहेको अधिकृत राईले जनाए । कर कार्यालय खोटाङमा नहुँदा खोटाङे कर दाताहरु हजारौं खर्चेर लाहान जानुपर्ने वाध्यता थियो । खोटाङमा कर कार्यालय स्थापना भएको करिव एक वर्षको अनुपातमा पनि करदातालाई सौलियत शिक्षा र ज्ञानको कमि हुँदा दोहोरो भर्पाई गर्नु पर्ने वाध्यता यथावत नै रहीआएको छ । यस कार्यालयमा जम्मा तीन जना कर्मचारी छन् जो स्थानीय पालिका र गाउँ गाउँमा गएर जन गुनासो सुन्ने साथै अनुगमन गर्नु असम्भव जस्तो देखिन्छ । अध्यक्ष राईले भने अव हामि  थप कर्मचारीहरु माग गर्छौ यस कार्यालयबाट  कर दातालाई दिने थप सेवा सुविधा छिटो छरितो र भरपर्दो सेवा सुविधा उपलव्ध गराईरहेको वताएका छन् ।