जनताको श्वास्थ्यको जिम्मा प्रदेश सरकारले लिन्छ । 

१० चैत्र २०७६– विराटनगर । प्रदेश नं १ का मुख्यमन्त्री शेरधन राईले प्रदेश सरकार र नेपाली सेनाको सहकार्यमा मोरङको टाँडीमा केही दिन अगाडि निर्माण भएको दुई सय वेडकोे क्वारेन्टाईनस्थलको निरीक्षण गर्दै प्रदेशका जनताको श्वास्थ्य सुरक्षामा प्रदेश सरकारले कुनै कसुर बाँकी नराख्ने बताएकाछन् ।

निरिक्षणका क्रममा मुख्यमन्त्री राईले प्रदेशबासी जनताको स्वास्थ्यको जिम्मेवारी प्रदेश सरकारले लिने बताएकाहुन् ।

मुख्यमन्त्री राईले कोरोना नियन्त्रण गर्न प्रदेश अन्तर्गतका भारतसँग सीमा जोडिएका साना नाकाहरु बन्द गरिसकिएको जानकारी दिएकाछन् । साथै ठूला नाकाहरुमा आवागमनमा कडाई गर्ने जानकारी दिदै त्यहाँको चेकपोष्टहरुलाई कडाई तथा प्रभावकारी बनाउने बताएकाछन् ।

प्रदेश सरकारले कोभिड –१९ नियन्त्रणका सम्वन्धमा कार्य योजना बनाएर सार्वजनिक गरेको उनले जानकारी दिँदै यसको कार्यान्वयन तीव्र गतिमा भइरहेको बताएकाछन् ।

प्रदेशमा निर्माण हुने ५० शैय्याको आइशोलेशन वार्डको निर्माण एक हप्ता भित्रमा सम्पन्न गर्न तीव्र गतिमा काम भइरहेको मुख्यमन्त्री राईको भनाई रहेको छ । सुरक्षा समितिको बैठकमा विराटनगरको रानी तथा कांकरभिट्टा नाकालाई व्यवस्थित र चेकजाँचमा कडाइ गर्ने निर्णय गरिएको बताउदै तेश्रो देशका नागरिकलाई प्रवेशमा रोक लगाउने निर्णय गरेको जानकारी दिएकाछन् ।