महामारीको समयमा अपराधिक कार्य हुनसक्ने, समन्वय प्रमुख राईको भनाई ।

१३ चैत २०७६– खोटाङ, । कोरोना रोकथाम तथा नियन्त्रण जिल्ला समन्वय समिति खोटाङले लकडाउनको अवधिमा अपराधिक क्रियाकलाप हुने सम्भावनातर्फ सचेत रहन जिल्लावासीलाई आग्रह गरेको छ ।

समितिको गत बुधबार बसेको बैठकले लकडाउनको अवधिमा विभिन्न अपराधिक घटनाहरु हुनसक्ने सम्भावनातर्फ सचेत रहन सम्पूर्ण जिल्लाबासी एबं सुरक्षा निकायलाई आग्रह गरिएको जिल्ला समन्वय समितिका प्रमुद बबि चाम्लिङले जानकारी गराएकाछन् ।

संकटको सामना गर्नेतर्फ सबैको ध्यान केन्द्रित भएको अवस्थामा अपराधिक घटना हुने वा घटाउन सक्ने सम्भावना पनि भएकाले सचेत रहनका लागि लकडाउनको अवधिमा सुरक्षा निकाय थप सकर्त रहनुपर्ने बैठकको निष्कर्ष छ ।

बैठकले सबै स्थानीय तहले स्थापना गरेको राहत कोषमा रकम जम्मा गरेर कोरोना रोकथाम तथा नियन्त्रणका आवश्यक गतिविधिमा खर्च गर्न, हरेक स्थानीय तहलाई कम्तीमा ४० बेडको क्वारेन्टाइन बनाउन आग्रह गर्ने निर्णय गरेको छ ।

यस्तै, स्वास्थ्य परीक्षणकाक्रममा स्वास्थ्यकर्मीले लगाउने पिपिई, मास्क, ग्लोब्स लगायतका सामग्री व्यवस्थापन गर्न आवश्यक रकम जुटाउनका लागि प्रधानमन्त्री तथा मन्त्री परिषदको कार्यालय र १ नम्बर प्रदेशको मुख्यमन्त्रीसमक्ष माग गर्ने निर्णय समेत गरिएको संयोजक चाम्लिङले बताएकाछन् ।

जिल्लाका दश वटै स्थानीय तहमा क्वारेन्टाइन स्थापना गरिएपनि स्वास्थ्य परीक्षणकाक्रममा स्वास्थ्यकर्मीले लगाउने पिपिई, मास्क, ग्लोब्स लगायतका सामग्री अभाव रहेको पाइएको छ ।

आवश्यक सुरक्षा सामग्री तथा उपकरण अभावमा जिल्लाका विभिन्न ठाउँहरुमा स्थापना गरेर सञ्चालन गरिएको हेल्थ डेस्क (स्वास्थ्य सहायता कक्ष)मा खटिएका स्वास्थ्यकर्मीले आफुलाई जोखिममा राखेर काम गरिरहेका जानकारी प्राप्त भएको छ ।