दिप्रुङ चुइचुम्मा गाँउपालिकाको याम्खा श्वास्थ्य चौकीमा ५ जना क्वारेन्टाइनमा ।

१३ चैत्र २०७६–खोटाङ । जिल्लाको दिप्रुङ चुइचुम्मा गाउँपालिकाको याम्खा स्थीत श्षस्थ्य चौकीमा ५ जनालाई क्वारेन्टाइनमा राखिएको दिपु्रङ चुइचुम्मा गाउँपालिका अध्यक्ष भुपेन्द्र राईले बताएकाछन् ।

क्वारेन्टाइनमा राखिनेमा छोरम्बुका ३१ वर्षीय परियार, ३८ वर्षीय तामाङ थरका रहेका छन् । उनीहरु तीनदिन अघि भारतको सिक्किमबाट छोरम्बु आएका थिए । यसअघि भारतको वेष्ट बंगालबाट आएका याम्खाका वस्नेत थरका २२ वर्षीय, भारतको मेघालयबाट आएका याम्खाकै राई थरका ४७ वर्षीय र साउदीबाट आएका विक थरका ३० वर्षीय पुरुषलाई विश्वब्यापी मापदण्ड अनुसार १४ दिन क्वारेन्टाइनमा राखिने जानकारी कुरा प्राप्त भएकोछ ।

निज ५ जनालाई स्वास्थ्य चौकी याम्खामा निर्माण गरिएको ४० वेडको क्वारेन्टाइनमा स्वास्थ्यकर्मीको निगरानीमा राखिएको छ । विश्वभरी महामारीको रुपमा फैलिएको कोरोना भाइरस (कोभिड–१९) जोखिमलाई ध्यानमा राखेर गाउँपालिकाले वैदेशिक रोजगारी र जिल्ला बाहिरबाट आएका व्यक्तिहरुलाई पहिचान गरि क्वारेन्टाइनमा राखेको पालिका अध्यक्ष भुपेन्द्र राईले जनाएकाछन् । क्वारेन्टाइनमा बसेकाहरुको लागि गाउँपालिकाले खानपिनको व्यवस्था समेत मिलाएको जनाएकोछ ।