नगरक्षेत्र भित्र कोही भोकभोकै नबस्ने वातावरण बनाउँछु , नगरप्रमुख दिपनारायण रिजाल ।

कोरोना भाइरसको कारण देश लकडाउन भएपछि नगर क्षेत्र भित्र खाद्यसंकटको समस्या भई कुनै पनि नागरिकहरु भोकै बस्नु नपर्ने वातावरण तयार गर्ने दिक्तेल रुपाकोट मझुवागढीका नगर प्रमुख दिपनारायण रिजालले जनाएकाछन् ।
दिक्तेेल – खानिडाडा सडक निर्माणकार्यका लागि मोरङ पथ्री र उदपुर जिल्लाबाट आएर दैनिक ज्यालादारीमा काम गर्दै आएका मजदुरहरुले काम गर्न नपाउदा बिहान– बेलुकीको गुजारा समेत चलाउन नसकी समस्यामा परेको जानकारीका आधारमा १९ जना कामदारहरुलाई नगरपालिकाको लोककल्याणकारी नीति अनुसार राहत वितरण गरेको छ ।
आज दिक्तेल रुपाकोट मझुवागढी नगरपालिकाका नगरप्रमुख र उपप्रमुखले राहत स्वरुप २०० के जि चामल ,२० केजि दाल त्यस्तै नुन र तेल बितरण गरेको नगर प्रमुहको सचिवालयले जानकारी गराएकोछ ।
राहत बितरण गर्दै नगरप्रमुख रिजालले अब उप्रान्त नगरपालिका भित्र कोरोना भाइरसकै कारण लकडाउन भएपनी काम गरेर दैनिक जीवन चलाइरहेका र यहि महामारीका कारण काम नपाई समस्यामा परेका कोहि कसैले पनि भोकभोकै बस्नु नपर्ने घोषणा समेत गरेको खबर प्राप्त भएको हो ।
राहत वितरणका क्रममा नगर प्रमुख रिजालले आवश्यकताको पहिचान गरि आगामी दिनमा पनि यस्तै राहतका योजनाहरु ल्याइने कुरा समेत ब्यक्त गरेको मेयरका राजनैतिक सल्लाहकार कममल ढकालले जानकारी दिएकाछन् ।