राष्ट्रिय युवा संघ को अपिल, लकडाउनको बेला आफूँपनि बचौ र अरुलाई पनि बचाऔँ ।

१४ चैत्र २०७६–खोटाङ । राष्ट्रिय युवा संघ खोटाङ जिल्ला कमिटीले ‘लकडाउन’को मर्म र भावना बमोजिम आफू बाँच्ने र अरुलाई बचाउने भएकाले आम नेपालीले पालना गर्न आग्रह गरेको बिज्ञप्ती मार्फत जनाएकोछ ।

कोरोना भाइरस (कोभिड–१९)को संक्रमणबाट बच्नका लागि नेपाल सरकारले लागू गरेको ‘लकडाउन’लाई नागरिकहरुले उल्लङ्घन गरेको देखिएकाले आफ्नै स्वास्थ्यको सवालमा हेलचेक्राई नगर्न राष्ट्रिय युवा संघले खोटाङले आग्रह गरेको हो ।

शुक्रबार प्रेस विज्ञाप्ती जारी गर्दै राष्ट्रिय युवा संघले ‘आफु बचौं र अरुलाई बचाऔं’ भन्ने मान्यतालाई व्यवहारमा स्थापित गर्ने अवशरमा नचुक्न सबै नागरिकको ध्यानाकर्षण गराएको छ ।

विज्ञाप्तीमा ‘लकडाउन’लाई कतिपयले अझै पनि गम्भीरताका साथ नलिएको र सुरक्षाकर्मी नै परिचालन गर्नुपर्ने स्थिति आउनु दुःखद भएको जनाएकोछ ।
‘अहिले घरमा सुरक्षित बस्न र कोरोनाको संक्रमणबाट बच्नको लागि सरकारले लागू गरेको लकडाउनको परिधिभित्र बस्नुको बिकल्प छैन । लकडाउनलाई कतिपयले अझैपनि गम्भीरताका साथ नलिएको र सुरक्षाकर्मी नै परिचालन गर्नुपर्ने स्थिति आउनु दुःखद कुरा हो ।

राष्ट्रिय युवा संघ खोटाङका संयोजक रसकुमार राई र सह–संयोजक शरद राईले जारी गरेको विज्ञप्तीमा भनिएको छ, ‘ यस संकटको अवधिमा राज्यले जारी गरेको आदेश अनुशार आ–आफ्ना स्थानमा सजग र सुरक्षित बसौँ, यो हेलचेक्राई गर्नेबेला होईन । जारी बिज्ञप्तीमा उल्लेख छ ।