‘लकडाउन’मा खटिएका सुरक्षाकर्मीहरुको लागि सहकारीद्दारा २० हजार बराबरको सामग्रीहरु हस्तान्तरण ।

१६ चैत्र २०७६– खोटाङ । जिल्लामा सत्तचालित सक्रिय बचत तथा ऋण सहकारी संस्था लिमीटेडले कोरोना भाइरसको सम्भावित संक्रमण न्यूनीकरणका लागि गरिएको लकडाउनमा खटिएका सुरक्षाकर्मीहरुको लागि शुद्व पिउने पानी र आपतकालिन फुड्स सहयोग गरेको खबर प्राप्त भएको छ ।

लकडाउनको समयमा पसलहरु नखुल्ने र जथाभावि पाईने खानेकुरा एवंम् पानी पिउनाले स्वास्थ्यमा संक्रमण देखिने समस्यालाई मध्यनजर गर्दै सहकारीले २ सय ४० वोतल मिनिरल वाटर, ३ सय पिस फ्रुटी, ३ सय प्याकेट चाउचाउ र २ सय ४० पिस विस्कुट सहयोग गरिएको संस्थाका अध्यक्ष राजेन्द्र लयालुको भनाई रहको छ ।

सहकारीका पदाधिकारीहरु जिल्ला प्रहरी कार्यालयमा पुगेर प्रमुख जिल्ला अधिकारी शालिग्राम शर्मा पौडेलमार्फत २० हजार बराबरको सामग्रीहरु हस्तान्तरण गरेका हुन् । पिउने पानी र आपतकालिन फुड्स सुरक्षामा खटिएका सुरक्षाकर्मीसम्म पु¥याइने प्रजिअ पौडेलले बताएकाछन् ।

बिपदको बेला सरकारलाई सघाउने सबै क्षेत्रको भुमिका रहेकोले सहकारीहरुको जिम्मेवारी पुरा गरेका हौ – अध्यक्ष लयालुले भने । ४ सय सदस्य रहेको सहकारीले लकडाउनको समय बढेमा रेमिट्यान्समा निर्भर, साना व्यवसायी र कृषिमा आत्मनिर्भर आफ्ना सदस्यहरुलाई प्राथमिकतामा राखेर राहतको प्याकेज ल्याउने घोषणा गरेकाछन् ।