राष्ट्रिय बन भित्रका रुखहरु दिन दहाडै चोरी, बन कार्यालयका कर्मचारी मुचुल्का नउठाई फर्के ।

दिवस रिजाल, चैत्र २४ खोटाङ
राष्ट्रिय बन भित्रका रुख , विरुवाहरु दिन दहाडै चोरी गरेको पाईएको छ । दिक्तेल रुपाकोट मभुवागढी नगरपालिका वडा नं एक को नोभेमा पर्ने उक्त बनवाट सोही ठाउंका स्थाइ वासिन्दा रत्न प्रसाद आचार्य र उनका छोरा भिम प्रसाद आचार्यले राष्ट्रिय बन भित्रबाट चोरी गरेको स्थानीयले वताएका छन । त्यस ठाउँका स्थानीयले बन कार्यालयमा खवर गरेपछि बन कार्यालयवाट दुइ जनाको टोली आज दिउँसो उत्त वन क्षेत्र पुगेको थियो । यता बनकार्यालय बाट आएका कर्मचारीले मुचुल्का नउठाई फर्केपछि स्थानिय आक्रोसित वनेका छन ।
व्यक्तिवाट काटिएका रुखहरु गोलाइ ३० इन्च र ३१ इन्चका २ थान रुख काटेर लगिसकेको र डोजरबाट लडाइराखेको २ थान चिलाउने जातका रुखहरु काटेर यत्रतत्र फालिएको अवस्थामा रहेको जिल्ला बन कार्यालयबाट आएका बनरक्षक दिनेश खत्रिले वताए । उनले भने रुख विरुवाहरु काटेर ट्याक्टरमा लोड गरेर अन्यत्र लगिएको भनि गोप्य सुचना आएको थियो । यता बनकार्यालयका रेन्जर थिर कार्कीका अनुसार रुख विरुवा काटिएको अवस्थामा भेटिएको वताएका छन । उनले भने हामिले टिर्पोट गरेर ल्याएका छौं मुचुल्का भने लक डाउन पछाडी तुरुन्तै वनाएर उत्त चोरी गर्ने व्यक्तिलाई कानुन अनुसार कार्वाहि गर्ने वताएका छन ।
यसरी बनकार्यालयबाट आएका कर्मचारीले रुख काटिएको अवस्थामा भेट्टाउँदा समेत मुचुल्का नउठाइ फर्कदा बन कार्यालयको कार्यशैली माथि आलोचना शुरु भएको छ । विश्वभर महामारीको अवस्थामा रहेको कोरोना भाइरस कोभिट १९ को विषयमा सरकारले लकडाउन लगाएको छ । लक डाउन छँदा छँदै काठ दाउरा चोरी भएको ठाउँमा कर्मचारी पुग्ने र रिर्पोट बनाउने तर मुचुल्का नबनाइ फर्कने बनकार्यालयको यस्तो कार्य प्रति चौतर्र्फी आलोचना शुरु भएको हो ।