दुर्गममा जन्मिएका अधिकारी राष्ट्र बैंकको गभर्नर सम्म ।

२४ चैत्र २०७६–काठमाडौं । सरकारले नेपाल राष्ट्र बैंकको गभर्नरमा पुर्बको कालिकोट कहलिएको खोटाङमा जन्मिएका महाप्रसाद अधिकारीलाई नियुक्त गरेको छ । आज बसेको मन्त्रिपरिषदको बैठकले अधिकारीलाई राष्ट्र बैंकको गभर्नरमा नियुक्त गरेको जानकारी प्राप्त भएको छ ।

अर्थमन्त्री युवराज खतिवडा नेतृत्वको सिफारिस समितिको सिफारिसको आधारमा बैठकबाट अधिकारीलाई गर्भनरमा नियुक्त गरेको जनाएको छ । समितिले अधिकारी सहित चिन्तामणि सिवाकोटी र राजन खनालको नाम सिफारिस गरेको थियो ।

लगानी बोर्डको प्रमुख कार्यकारी अधिकृत रहेका अधिकारी राष्ट्र बैंकमा २६ वर्ष काम गरेका अनुभवी हुन् । ५ वर्ष डेपुटी गभर्नर र कार्यकारी निर्देशकसम्म २१ वर्षसम्म राष्ट्र बैंकमा काम गरिसकेको श्रोतको दाबी रहेको छ ।

५ वर्षे डेपुटी गभर्नर पदबाट बाहिरिएपछि सरकारले लगानी बोर्डको प्रमुख कार्यकारी अधिकृत नियुक्त गरेको थियो । खोटाङको सांघुरो क्षितिजबाट उदाएका अधिकारीले भारतबाट चाटर्ड एकाउन्टेन्स अध्ययन पुरा गरेका हुन् ।