बिदेश बाट आएका १२० जनाको र्यापिड टेष्ट सञ्चालन ।

३ बैशाख २०७७–खोटाङ । जिल्लामा बैदेसिक रोजगारबाट आएकाहरुको कोरोना भाइरस (कोभिड–१९)को संक्रमण भए(नभएको पहिचान गर्न र्यापिड डाइग्नोस्टिक टेष्ट (आरडिटि) सञ्चालन भइरहेको खबर प्राप्त भएको छ ।

रोजगारीका सिलसिलामा विभिन्न देशबाट घर फर्किएका व्यक्तीमा कोरोना भाइरसको संक्रमण भए(नभएको थाहा पाउनका लागि आजदेखि सम्वन्धित पालिकामै पुगेर्र यापिड डाइग्नोस्टिक टेष्ट सुरु गरिएको प्रमुख जिल्ला अधिकारी शालिकराम शर्मा पौडेलले बताएकाछन् ।

प्रदेश सरकारले १२० वटा किट पठाएपछि गत चैत्र यता विदेशबाट फर्किएका १२० जना व्यक्तीर्को यापिड डाइग्नोस्टिक टेष्ट हप्ता दिनभित्रै गर्ने व्यवस्था मिलाइएको छ ।

बैसाख ५ गतेसम्ममा बराहपोखरी गाउँपालिका, जन्तेढुंगा गाउँपालिका, खोटेहाङ गाउँपालिका र दिपु्रङ चुईचुम्मा गाउँपालिकामा बिदेशबाट फकिएकाहरुर्को यापिड डाइग्नोस्टिक टेष्टको काम पुरा गरिने प्रमुख जिल्ला अधिकारी पौडेलको भनाई रहेको छ ।

आजै र्यापिड डाइग्नोस्टिक टेष्टका लागि जिल्ला समन्वय समितिका प्रमुख बबी चाम्लिङ, प्रमुख जिल्ला अधिकारी पौडेल, सुरक्षा निकायका प्रमुख, जिल्ला अस्पतालका स्वास्थ्यकर्मीको टोली जन्तेढुंगा गाउँपालिकातर्फ प्रस्थान गरेको छ ।

प्रमुख जिल्ला अधिकारी संयोजकत्वको कोभिड क्राइसिस मेजेनमेन्ट कमिटिको बैठकले बैसाख ६ गते ऐसेलुखर्क गाउँपालिकामा, बैसाख ७ केपीलासगढी गाउँपालिकामा बैसाख ८ मा हलेसी तुवाचुङ नगरपालिका र दिक्तेल रुपाकोट मझुवागढी नगरपालिकामा तथा बैसाख ९ गते साकेला गाउँपालिकार्मा यापिड डाइग्नोस्टिक टेष्ट गर्ने तालिका तयार पारेका जनाएको छ ।

रावाबेँसी गाउँपालिकामा चैत्र लागेपछि विदेशबाट कोही पनि नफर्किएको पालिकाको तथ्याङ्क रहेको छ भने बराहपोखरी गाउँपालिकामा चैत्र लागे यता विदेशबाट एक जना मात्र फर्केको तथ्यांक छ । ‘प्रदेश सरकारबाट हामीलाई १२० किट प्राप्त भएकाले त्यती जनाकै टेष्ट हुन्छ,’ प्रजिअ पौडेलले भने, ‘पोजिटिभ रिपोर्ट आए सम्वन्धित पालिकाकै खर्चमा उपचारका लागि धरान पठाइन्छ, नेगेटिभ देखिए पनि १० प्रतिशत नमूना संकलन गरेर परिक्षणका लागि पठाइने छ ।’

चैतअघि घर फर्किएका र काठ्माण्डौंबाट घर फर्किएका व्यक्तीको ¥यापिड डाइग्नोस्टिक टेष्ट गर्नका लागि पुःन परिक्षण किट माग गरिएको प्रजिअ पौडेलले बताए । कोरोना भाइरसको संक्रमण फैलिन थालेपछि विदेशबाट १४० जना घर फर्किएका भए पनि चैत्र यता घर आएका व्यक्तीको मात्र्र यापिड डाइग्नोस्टिक टेष्ट गर्न लागिएको हो । फर्किएका अधिकांशलाई होम क्वारेन्टाइनमै राखिएको पौडेलको भनाई रहेको छ ।