कृतिम अभाब गर्ने ब्यबसायीहरुलाई सिल गर्ने चेतावनी ।

४ बैशाख २०७७–मोरङ । जिल्लाको बेलबारी नगरक्षेत्रभित्र दैनिक उपभोग्य सामग्रीहरुको बिक्रीमा केही व्यवशायीहरुले अस्वभाविक मूल्यबृद्धि र कृतिम अभाब श्रृजना गरेको जानकारीका आधारमा ४ वटा पसलमा छापा मारिएको जानकारी प्राप्त भएको छ ।

सेवाग्राहीलाई दैनिक उपभोग्य सामग्रीहरुको बिक्रीमा केही व्यवशायीहरुले अस्वभाविक मूल्यबृद्धि गरेको भनी निरन्तर गुनासो आएसंगै नगरभित्रका विभिन्न खाद्यान्न पसलहरुको निगरानी एवम् छड्के अनुगमन गरेको बेलबारी नगरपालिकाकाी उपमेयर तारा पराजुलीले जानकारी दिएकीछन् ।

विश्वब्यापी विपत एवम् महामारीको समयमा सबै नागरिकहरु एकजुट भै विपत्तिको सामना गर्न तयार हुनुपर्ने बेलामा केही व्यवशायीहरु भने कमाउ धन्दामा लागेर कतै कृतिम कतै अस्वभाविक र चर्को मूल्यवृद्धि गर्नु लज्जास्पद विषय भएको भन्दै नगरपालिकाले निरन्तर अनुगमन गर्ने जनाएको छ ।

यस बेला हाम्रो नगरपालिका र नगरवासी मात्र नभएर सिङ्गो देश र देशवासीहरु अप्ठ्यारोमा परेको बेला मौकाको फाइदा उठाउन खोजे यस्ता पसलहरु तत्काल सिल गर्ने र कालाबजारी र कृतिम अभाब गर्ने हरुलाई कानुन बमोजिम कार्बाही गर्ने चेतावनी दिइएको छ ।

चेतावनी संगै ब्यबसायिहरुलाई पहिलो पटकलाई सुध्रिने मौका दिएको र भोलीबाट सानो अनुगमन समुह बनाएर कुनैपनि बेला त्यस्ता ब्यबसायीहरुको छड्के अनुगमन गर्ने उपमेयर पराजुलीको भनाई रहेको छ । साथै नगरपालिकाले यस्तो संकटको घडीमा सबैलाई सकेको सहयोग गर्न आग्रह समेत गरेको जनाएको छ ।