गाँउपालिकाको “अन द स्पोर्ट” राहत पु¥याउने घोषणा ।

५ बैशाख २०७७–खोटाङ । जिल्लाको दिप्रुङ चुइचुम्मा गाउपालिकाले “अन द स्र्पोट” राहत वितरण गर्ने भएको छ ।
११ चैत्र २०७६ बाट शुरु भएको लकडाउन पछिल्लो पटक १५ बैशाखसम्म सरकारले जारी गरेपछी लकडाउनले जो कोहीको दैनिक जीवन गुजारामा कही न कहीबाट प्रभाव पारेको छ ।
लकडाउनको २५ औं दिन सम्म आइपुग्दा  गाउँपालिकाका नागरिकहरु जिल्ला भन्दा बाहिर गई दैनिक रुपमा ज्यालादारी गरी जीवनयापन गर्दै आएका श्रमिक एवंम् आफ्नो योग्यता र क्षमता विकासका लागि अध्ययनरत (विधार्थी) गाउँपालिकाका नागरिकलाई दिप्रुङ चुइचुम्मा गाउँपालिकाले भने नागरिकहरु बसेको स्थान (डेरा)सम्म पुगेर राहत वितरण गर्ने निर्णय गरेको छ ।
ज्यालादारी गरी छाक टार्ने श्रमिक र विद्यार्थीहरु जहाँ जहाँ रहेका छन् । लकडाउनले जीवनयापन गर्न नसकी मर्कामा परेको हुनाले उनीहरुको लागि राहत प्याकेजको व्यवस्था गर्नुपर्ने आवश्यकतालाई महसुश गरी तत्काल राहत उपलब्ध गराउने निर्णय भएको गाउँपालिकाले जनाएको छ ।
लकडाउनको कारण अड्केका आफ्नो पालिकाको विधार्थी र दैनिकी ज्यालादारी गर्नेहरुलाई गाउँपालिकाले बसेको स्थानमै राहत उपलब्ध गराउन जनशक्ति परिचालन गरिसकेको छ । त्यसरी बसेका गाउँपालिकाका नागरिकहरुको गाउँपालिकाको कर्मचारी तथा अभियानका फोकल पर्सन सञ्जिप आचार्य (९८२५७७४७७४र९८४२८७७४३७), ओमसरा राई (९८६२८१४००९) एबं सुनिता राई (९८२५७९५०५३) लाई सम्पर्क गरेर आफ्नो विवरण उपलब्ध गराउन एक सूचना जारी गर्दै गाउँपालिकाले आग्रह गरेको छ । विवरण उपलब्ध भएका नागरिकले लोकेसन शेयर गरेपछि बसेको स्थानमा राहत सामाग्री उपलब्ध गराइने जनाएको छ ।
लकडाउनको मारमा परेका आफ्ना नागरिकलाई राहत उपलब्ध गराउन खाद्य स्टोर र घरघरसम्म पुगेर राहत वितरणका लागि सम्बन्धित जिल्लाका प्रमुख जिल्ला अधिकारीलार्ई पासका लागि आग्रह गरिएको छ । यसले लकडाउनको राष्ट्रिय अभियानलाई सघाउन पुग्ने हुनाले प्रमुख जिल्ला अधिकारीको सहयोग अपेक्षा गरिएको गाँउपालिका अध्यक्ष भुपेन्द्र राईको भनाई रहेको छ ।