खोटाङमा खुकुलो नाका,के भन्छन् जनप्रतिनिधी र प्रशासक ?

१२ बैशाख २०७७–खोटाङ । नोबेल कोरोना भाइरस (कोभिड–१९)का कारण यतीबेला विश्व आक्रान्त भइरहेको छ । बिश्वमा हालसम्म मृत्यु हुनेको संख्या १,९१,१५० जना रहेको छ । भने संक्रमितको संख्या २७,३२,७०२ जना रहेको,निको हुनेको संख्या ७,५०,८८४ जना रहेको छ । यता नेपालमा भने हाल सम्म संक्रमितको संख्या ४८ जना र निको भएर घर फर्कनेको संख्या १० जना रहेको छ ।
नेपालमा पछिल्लो समय ठुलो संख्यामा उदयपुरमा पटक पटक गरी जम्मा २९ जना संक्रमित फेला परेपछि छिमेकी जिल्ला खोटाङ संक्रमणको जोखिम हुनसक्ने भन्दै सबै पालिका र प्रहरी प्रशासन सहित जिल्ला समन्वय समितीमा बैठक बसी बैसाख ८ गतेदेखि खोटाङको सबै नाकामा शिल गर्ने भनेर कडाई गर्ने सबै सञ्चार माध्यमहरुको मुख्य समचार बनेको थियो ।
उदयपुरमा ठूलो संख्यामा कोरोना भाइरसबाट संक्रमित नागरिक फेला परेपछि नोबेल कोरोना भाइरस (कोभिड–१९) रोकथाम तथा नियन्त्रण जिल्ला समन्वय समितिको बैठकले खोटाङ प्रवेश गर्ने र बाहिरिने नाका हप्तादिनका लागि बन्द गर्ने निर्णय गरेको जनाइएको थियो ।
तर, हाल जिल्ला प्रवेश गर्ने नाकाबाट सर्वसाधारण भित्रिन छाडेका छैनन् । जयरामघाट नाकाबाट रातको २÷३ बजेसम्म सर्वसाधारण भित्रिने गरेको हलेसी तुवाचुङ नगरपालिकाको तथ्यांकमा उल्लेख छ ।
तर राज्यको पछिल्लो पटकको लकडाउनको अवधी बैशाख १५ सम्म रहेको छ । यसै बिचमा स्थानिय तहहरुको काठमाण्डौ लगाएतका जिल्लाहरुबाट आफ्नो नागरिक भित्र्याउने होडबाजी नै चलिरहेको सन्दर्भमा खोटाङ स्थीत प्रशासन र जनप्रतिनिधीहरु संग गरिएको कुराकानीलाई जस्ताको तस्तै यहाँ प्रस्तुत गरिएको छ ।
इवन राई (मेयर) हलेसी तुवाचुङ नगरपालिका ।             
राज्यले बिना पुर्ब तयारी लक डाउन गरेको हुनाले साथै राज्यका हरीबोल गजुरेल जस्ता नेताहरुले नै लकडाउनको उल्लङ्घन गरी आफ्नो जिल्लाको नागरिकलाई गाडीमा ओसारपसार गरेपछी हाम्रा नागरिक भोकै मरेको देख्न सकिएन त्यसैले हाल सम्म झण्डै १ हजार तिनसय जती जनता काठमाण्डौ बाट ल्यायौ । अब सबैलाई घरमै क्वारेन्टाइनमा बस्ने शर्तनामा गरेका छौ पहिल्लो समय हामी ल्याएका सबैको ¥यापिड डाइग्नोस्टिक टेष्ट गर्छौ ।
दिपनारायण रिजाल (मेयर) दिक्तेल रुपाकोट मझुवागढी नगरपालिका     
राज्यको नितीलाई फलो गर्नु अनिबार्य शर्त हो । कोरोना लाई मुख्य बिषय बनाएर सस्तो लोकपृयताको लागि राजनिती भइरहेको छ । लकडाउनको आफैले उल्लङ्घन गरेपछी सबै जोखिममा पर्छौ । लकडाउनको समयमा आपतकालिन केश बाहेकका नागरिकहरुलाई ल्याउनु निती बिपरित हो । समस्यामा परेका अस्पतालमा रहेका,डिस्चार्ज भएका र सुत्केरीहरुको हकमा खोजी खोजी ढोकामै राहत पु¥याएका छौ । कोही छुटेको भए सम्पर्क गर्न समेत अनुरोध छ । अझ उदयपुरको संक्रमणले नाकाहरु शिल गर्ने भनेर आफै बसेर निर्णय गरेको हो । तत्काल ल्याएर  ¥यापिड टेष्ट गर्ने साधन पनि नभएकोले १५ गत्ते सम्म पर्खने र नया रणनिती बनाउने । तर केही पालिकाहरुले लकडाउनकै बिचमा नागरिक ल्याएकोले दबाब बढीरहेको छ ।
शालिग्राम शर्मा (प्रजिअ) खोटाङ                                     
नितात्न लकडाउनको समयमा स्थानिय तहहरुले नागरिक ल्याउनु निती बिपरित हो । राज्यको सबै श्रोत र साधन स्थानिय तह संगै छ । उदयपुर संगको जयरामघाट बाहेकको नाका कडै छन् । ५ जिल्ला काटेर आउनेलाई रोक्न सकिन्न । दयामाया लागेर प्रहरीले पनि छाडेहोलान् । हामीसंग मानबिय श्रोतपनि कम छन् । समन्वयको बैठक चाँडै राखेर कुरा गर्छौ ।
बबि चाम्लिङ (प्रमुख) जिल्ला समन्वय समिती खोटाङ     
जयरामघाट बाहेकका उदयपुर संगको सबै नाका कडै छन् । हामीले समन्वय गराउने हो समन्वय गरेर सबैले समर्थन गरेरै गएका हुन् । मलाई दिप्रुङ चुइचुम्मा गाउपालिकाको अध्यक्ष भुपेन्द्र राईले पनि भनिरहनु भएको थियो कार्यन्वयन भएन भनेर । स्थानिय तहले कार्यान्वयन नगरेकै हो जसले जोखिम बढ्ने खतरा छ । हामी चाँडै बैठक बसेर अर्को कदम चाल्छौ ।
उषकला राई (सांसद) प्रदेश सभा प्रदेश नं.१                   
अत्याबस्यक भन्दा बाहेक राज्य लकडाउनको बेला जनतालाई यथास्थानमै सेवा दिनुपर्ने हो । बाँकी १५ गते भन्दा पछी विश्व श्वास्थ्य संगठनको मापदण्ड बमोजिम जनताको हिस्ट्री बुझेर क्वारेन्टाईनमा अनिबार्य बस्ने र उनिहरुको नियमन गर्ने मापदण्ड बनाएर साथै ¥यापिड टेष्ट गर्ने गरी लानुपर्ने हो ।
बिशाल भट्टराई (सांसद) संघियसभा                             
बाध्यात्मक रुपमा गरिएको लक डाउनले तल्लो तहको जनताको दैनिकी मा गम्भिर असर परेकोले लकडाउनलाइ पनि निरन्तरता दिने र जनताको दैनिकी सहज हुने बातावरण सरकार ले निर्माण गर्नु आवश्यक छ ।
त्यसका लागि राहत उपलब्ध गराउने र छोटो समय दिएर अप्ठ्यारो मा परेका जनता लाइ आफ्नो घरमा पुर्याउनु र सुरक्षा को मापदण्ड अपनाएर क्वारेन्टाइनमा राखिनुपर्छ ।
हाम्रो खोटाङको सिमा जोडिएका जिल्लामा कोभिड १९ को असर बढेर गएको कारण पर्याप्त होसियारी अपनाउनु आबश्यक छ ।