आज: | Thu, 21, Sep, 2023
देश पोस्ट १२ बैशाख २०७७–बेलबारी,मोरङ्ग । नोबेल कोरोना भाइरस (कोभिड १९) ले विश्व आक्रान्त भइरहेको बेला नेपालमा भने पछिल्लो समय राजनैतिक खिचातानी भईरहेको खबर सर्बत्र रुपमा आलोचना गर्ने, लकडाउनलाई प्रभाबकारी कार्यान्वयन नगर्ने,एकले अर्कोलाई नटेर्ने जस्ता गतिविधीहरु खुलेआम रुपमा भईरहेकाछन् ।
जिल्लाको बेलबारी नगरपालिकामा भने सबै दलहरु मिलेर एकमन एकताका साथ कोरोनाको संक्रमण बाट जोगिन साथै जनतालाई राहत को जोहो गर्न स्थानिय सरकारलाई सघाउन कम्मर कसेर लागेको जानकारी प्राप्त भएको छ ।
बेलबारी नगरपालिकाले कोरोना संक्रमणबाट आफ्ना नागरिकलाई जोगाउन बिभिन्न अभ्यासहरु गरिरहेको सञ्चार माध्यमहरुबाट जानकारी आएको छ । प्रदेशमै पहिलोपटक ब्यबस्थित क्वारेन्टाइन,सडक जिवन बिताइरहेकाहरुको उद्वार,एकद्वार प्रणालिबाट राहतको ब्यबस्था,संकटको बेला कालाबजारीको नियन्त्रण÷नियमन आदिमा सक्रियता रहेको बिपक्षी दलका नेता तथा कार्यकर्ताहरुले खुलेर प्रशंसा गर्न सकिने कुरा बताएकाछन् ।
भरखरै सर्बदलिय कोरोना रोग रोकथाम तथा नियन्त्रण नगर समन्वय समितीले बेलबारी नगरपालिकाका मेयर ज्ञानेन्द्र सुबेदीको संयोेजकत्व साथै ११ वटै वडाध्यक्षहरुको सहभागितामा ३,९४८ बिपन्न नागरिक र मज्दुरहरुलाई राहत बितरण सम्पन्न गरिसकेको नगरपालिकाका मेयर ज्ञानेन्द्र सुबेदीले जानकारी गराएकाछन् ।
पहिलो चरणमा बितरण गरेको राहत पर्याप्त नहुने र संकट तत्कालै समाधान नहुने भएपछी सबैदलको साझा सहमतीमा बेलबारी नगरपालिकाको बिपद ब्यबस्थापन कोषमा राहत जम्मा गर्न दलहरुकै सक्रियता रहेको नगरपालिकाकी उपमेयर तारा पराजुलीले बताएकीछन् ।
पराजुलीका अनुसार नेकपाले २ लाख तेह्र हजार पाँचसय पचपन्न रुपैया कोषमा जम्मा गरेको छ । त्यसैगरी जनता समाजबादी पार्टीले ७७५ किलो चामल र नेपाली काँग्रेसले आज सम्म कोषमा जम्मा गर्ने जनाएको साथै बेलबारीका सबैदलले संकटको समाधान गर्न संयुक्त अपिल गर्नुले काम गर्न हौसला मिलेको, अझ अर्जा थपिएको उपमेयर पराजुलीको भनाई रहेको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
