दिक्तेल नगरपालिकाले,अती समस्यामा परेका नागरिकलाई गाँउ फर्काउने ।

१५ बैशाख २०७७–खोटाङ्ग । जिल्लाको सदरमुकाम मा रहेको सबैभन्दा ठुलो नगरपालिका दिक्तेल रुपकोट मझुवागढी नगरपालिकाले बिभिन्न हिषाबले काठमाण्डौ,भक्तपुर र ललितपुरमा रहेका लकडाउनको मारमा परेका गृह फर्कन चाहने आफ्ना नागरिकहरुलाई निशुल्क रुपमा गाँउ फर्काउने निर्णय भएको जानकारी प्राप्त भएको छ ।

विद्यार्थी, अस्पतालबाट डिस्चार्ज भएका व्यक्ति, अशक्त व्यक्ति र दैनिक ज्याला तथा श्रम गर्ने र अहिले अलपत्र परेकाहरुलाई आगामी बैशाख १८ र १९ गते नगर फर्काउने निर्णय भएको नगरप्रमुख (मेयर) दिपनारायण रिजालले जानकारी दिएकाछन् ।

दिक्तेल रुपाकोट मझुवागढी नगरपालिका वडा नं. १४ बुइपाका अध्यक्ष दिनेश राईका अनुसार काठमाडौं उपत्यका आसपास रहेकाहरुले अब गृहस्थान फर्कन चाहेमा १५ वटै वडाका वडाअध्यक्ष तथा काठमाण्डौमै सहयोग गर्ने समिती बनिसकेकोले सो समितीका सदस्य सँग सम्पर्क गरी गाँउ फर्कन सकिने बताईएको छ ।

लामो समयको लकडाउन भएसंगै आफ्नो नागरिकहरु भोकमरीको समस्यामा पर्न थालेपछी देशैभरीका स्थानिय तहहरुले नागरिकहरुलाई गाँउ फर्काउन थालेपछी दिक्तेल रुपाकोट मझुवागढी नगरपालिकाले यो निर्णय गरेको नगर प्रमुख रिजालले बताएकाछन् ।

गाँउ फर्काउनु अघी नागरिकहरुको काठमाण्डौकै मेरिडियन अस्पतालले श्वास्थ्य जाँच गर्ने, चेक जाँच गराउन कोटेश्वरमा जानुपर्ने, र सोही ठाँउबाट गाडी चढाइने,प्रत्येकलाई माक्स र ग्लोब्स अनिबार्य गराउने,गाडीहरुलाई अनिबार्य स्यानिटाइज गर्ने , प्रत्येक ब्यक्तीलाई स्यानिटाइज गर्नुका साथै बिच बाटोमा गाडी नरोक्ने, खानाका बन्दोबस्त स्वयम् नागरिकहरुले नै गर्नेगरी नागरिक गाँउ फर्काउन लागिएको मेयर रिजालको भनाई रहेको छ ।

गाँउ फर्काइएका सबैको स्थानिय स्वास्थ्य चौकीमा पुनःपरिक्षण गर्ने र तथ्याङ्क राखिनुका साथै प्रत्येकले १४ दिन अनिबार्य होम क्वारेन्टाईनमा बस्नु पर्ने,नबसे कार्यबाही हुने शर्तनामाको कागज गराईने छ ।

शर्त पालना गरे नगरेको अनुगमन गर्नका लागि कोरोना संक्रमण न्युनिकरण समन्वय समिती र स्थानिय स्वयमसेवक खटाई नियमन गरिने वडाध्यक्ष दिनेश राईको भनाई रहेको छ ।