खोटाङको काहुलेमा एकघर जलेर नष्ट, आगोलागी हुँदा ५ लाख बराबरको क्षती ।

१९ बैशाख २००७७–खोटाङ । जिल्लाको दक्षिणी क्षेत्र जन्तेढुंगा गाउँपालिका वडा नम्बर–३ काहुलेमा गएराती आगलागी भएर एक घर जल्नुका साथै लाखौंको क्षती भएको जानकारी प्र्राप्त भएको छ ।

रातको अन्दाजी ११ बजेतिर भएको आगोलागीबाट धन बहादु राईको ५ लाख बराबरको क्षति भएको जिल्ला प्रहरी कार्यालय खोटाङका प्रहरी निरीक्षक आमोद कुमार खेरवारले जानकारी दिएकाछन् । आगोलागीमा घरमा राखिएको ६० हजार नगदसमेत जलेको बताइएको छ ।

खरको छानो भएको दुई तले घर जलेर नष्ट भएपछि राईको परिवार विचल्नीमा परेको कारण सम्बन्धित निकायहरुलाई सहयोगको याचना समेत गरिएको स्थानियले जनाएकाछन् । आगोलागीको कारण भने अहिले सम्म नखुलेको प्रहरीको भनाई रहेको छ ।