ताप्लेजुङको फुङ्लिङ बजारमा भीषण आगलागी, करोडौको क्षती ।

२० बैशाख २०७७–ताप्लेजुङ । जिल्लाको सदरमुकाम फुङ्लिङ बजारमा शुक्रबार साँझ बजारको एक खाजा पसलबाट सुरु भएको आगलागीबाट ७ वटा घर र ११ पसल जलेर नष्ट भएको जानकारी प्राप्त भएको छ ।

शुक्रबार राती साढे १० बजेबाट सुरु भएको आगो साढे १२ बजे नियन्त्रणमा आएको ताप्लेजुङका प्रमुख जिल्ला अधिकारी डोरेन्द्र निरौलाले जानकारी दिएकाछन् ।

आगलागी नियन्त्रणका लागि नेपाली सेना, जनपथ प्रहरी, सशस्त्र प्रहरी र स्थानीयवासीहरुको सकृयतामा आगो नियन्त्रणमा लिईएको तथापी दमकलमा पुरा पानी नहुँदा आगो नियन्त्रणमा ढिलाई भएको स्थानिएको भनाई रहेको छ ।

घरमा रहेका ग्यास सिलिन्डरहरु पड्किएका कारण आगालागी नियन्त्रण गर्न निकै समस्या भएको थियो । आगलागीबाट के कति क्षति भयो त्यसको विवरण आउन बाअकी रहेको प्रहरीको भनाई रहेको छ ।