आज: | Fri, 22, Sep, 2023
देश पोस्ट
२२ बैशाख २०७७–खोटाङ । जिल्लाको दिक्तेल रुपाकोट मझुवागढी नगरपालिकाले सोमबार पत्रकार सम्मेलन गरि कक्षा ८ को परीक्षाफल सार्वजनिक गरेको जानकारी प्राप्त भएको छ ।
गत फागनु २७ देखी चैत्र ५ गतेसम्म नगरक्षेत्रभित्रका ३६ वटा विद्यालयको २६ केन्द्र बनाएर एसइई मोडलमा लिइएको परीक्षामा नगरपालिकाभित्रका १ हजार २ जना परीक्षार्थी सहभागी भएका थिए । जसमध्ये ३९ दशमलव ३५ प्रतिशत उर्तिण भएको जानकारी प्राप्त भएको छ ।
एसइई मोडलमा जिल्लामै पहिलो पटक गरिएको अभ्यासको नतिजाले शिक्षामा निक्कै सुधारगर्नुपर्ने अबस्था रहेको समेत नगर प्रमुख दिपनारायण रिजालको भनाई रहेको छ ।
नगरपालिकाले सार्बजनिक गरेको परीक्षाको नतिजा मोबाइलबाट हेर्ने सकिने बताएको छ । नतिजा थाहा पाउनका लागि आफ्नो मोवाइलको म्यासेजबक्समा गई MLE टाईप गरि आफ्नो सिम्वल नम्बर राखेर ३५००१ मा सेन्ड गर्न सकिने जनाएको छ ।
सामुदायिक विद्यालयतर्फ चम्पावती मावि बुईपाका छात्र अविशेक श्रेष्ठले ए ग्रेड (३ दशमलब ५५ प्रतिशत) ल्याएर उत्कृष्ट भएका छन् भने चम्पावती मावि विजखर्ककी छात्रा रोजिना कट्वालले ए ग्रेड (३ दशमलव ५५ प्रतिशत) अंक ल्याएर उत्कृष्ट भएकी छिन् ।
नीजि विद्यालयतर्फ माउण्ट एभरेष्ट बोर्डिङ स्कुल दिक्तेलका छात्र प्रदिप आचार्यले एग्रेड (३ दशमलव ६३ प्रतिशत) अंक ल्याएर उत्कृष्ट भएका छन् भने, दिक्तेल ईङिलस बोर्डिङ स्कुल दिक्तेलकी छात्रा प्रेरणा राईले ए ग्रेड ( ३ दशमलव ८३ प्रतिशत अंक ल्याएर उतकृष्ट भएको नगर शिक्षा समितीले जनाएको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
