दुबईको नेपाली दुताबासमा धर्नामा रहेका कामदार लाई, लकडाउन सकिए लगत्तै स्वदेश फर्काउने सहमती ।

२३ वैशाख २०७७–काठमाडौं । युनाइटेड अरब इमिरेट्स को दुबईमा क्याब ट्याक्सीमा काम गर्ने अलपत्र नेपाली नागरिकहरुले नेपाली राजदूतावासमा धर्ना दिएको खबर प्राप्त भएको छ ।

यसअघि अलपत्र परेका उक्त नेपालीहरूलाई यूएईकै प्रवासी नेपालीहरूले कोठा खोजेर राखेका थिए । कोठा भाडाको समय अवधि सकिएसंगै कोठामा बंगाली साहुले ताल्चा ठोकिदिए पछी केही दिन पार्कमै खुला आकाशमुनि रात बिताएपछि उनीहरूलाई गैरआवासीय नेपाली संघ (एनआरएनए) ले एक महिनाका लागि कोठा खोजेर राखिदिएको थियो । तर उनीहरूलाई खानेकुराको भने समस्या कायमै थियो ।

संयुक्त अरब इमिरेट्स (यूएई) को सारजहामा कम्पनीको बेवास्ताले अलपत्र परेका ३० नेपालीहरु मध्ये १७ जना श्रमिक धर्नाका लागि पुगेका थिए । धर्नामा रहेको नेपाली कामदारहरुले काम नपाएर अलपत्र परेको भन्दै तुरुन्तै नेपाल फर्काउन माग गरेका छन् ।

मासिक १५ सय दिराम कमाइ हुन्छ भनेर आठ महिनाअघि युएई गएका उनीहरूलाई कम्पनीले महिना मरेपछि १ सय ८ दिराम दिन थाल्यो । ६ महिनामा पनि तलबको समस्या समाधान नभएपछि उनीहरू एक महिना अघिबाट नेपाल फर्किने प्रक्रियामा लागेका थिए सोही क्रममा १० जना फर्किए भने सोही बेला कोरोना भाइरस सतर्कताका लागि लकडाउन घोषणा संगै नेपालले अन्तर्रा्ष्ट्रिय उडानमा प्रतिबन्ध लगाएपछि बाँकी उतै रोकिएको खबर छ ।

हाल अलपत्र कामदार धर्नामा बसेपछि दूतावास संग वार्ता भएको छ । दूतावासले उनीहरुलाई पुनः एनआरएनएको सहयोगमा सारजाहमा बस्ने व्यवस्था मिलाएको बताएको छ ।

उनीहरुलाई सारजाहसम्म लैजाने प्रवन्ध मिलाइएको दूतावासले एक विज्ञप्तिमार्फत उनीहरुलाई लकडाउन खुलेलगत्तै नेपाल फर्काउने प्रवन्ध मिलाउने प्रतिवद्धता समेत गरेको जानकारी दिएको छ ।