लकडाउनको बेला संस्कारलाई विधिको रुपमा मनाउने निर्णय ।

२४ बैशाख २०७७–खोटाङ । कोरोना भाइरस कोभिड १९का कारण विश्वब्यापी महामारीले मुलुक लकडाउनमा भएको बेला कोरोना भाइरस (कोभिड–१९) रोकथाम तथा नियन्त्रण जिल्ला समन्वय समितिको मंगलबार बसेको बैठकले न्यूनतम कम संख्याको धार्मिक, सामाजिक, साँस्कृतिक चाडवाड मनाउन आग्रह गर्ने निर्णय गरेको जानकारी प्राप्त भएको छ ।

नजिकिदै गरेको किराँतधर्मावलम्बीहरुको साकेला र हिन्दुधर्मावलम्बीहरुको कुलपुजा देवाली लगाएतको धार्मिक तथा साँस्कृतिक चाडबाडहरु रहेकाले उक्त संस्कारलाई विधिको रुपमा थोरै संख्यामा उपपश्थित भई मनाउनको लागि निर्णय भएको जिल्ला समन्वय समितीका प्रमुख बबी चाम्लिङ्गले जानकारी दिएकाछन् ।

चाडवाड मनाउनेक्रममा नेपाल सरकारले तोकेको अधिकतम २५ जनाभन्दा बढिको उपस्थिति नगर्न नगराउन तथा दुई व्यक्तीबीचमा अनिवार्य न्यूनतम १ मिटरको सामाजिक दुरी कायम गर्न आग्रह गरिएको छ ।

बैठकमा सहभागी विभिन्न जातीय संगठनका प्रतिनिधिले पनि बढिमा २५ जनाको उपस्थितिमा आफ्नो चाडवाड मनाउने निर्णयमा सहमती जनाए पनि लकडाउनका कारण कतिपय हिन्दुधर्मावलम्बी समुदायले आफ्नो देवालीलाई महिना दिनपछि सारेको बताएका छन् ।