पत्रकारमाथी गरेको दुर्ब्यबहार प्रती जन्तेढुङ्गा मिडियाको प्रेस बिज्ञप्ती ।

२४ बैशाख २०७७–खोटाङ्ग । जिल्लामा सञ्चालित जन्तेढुङ्गा पब्लिकेशन मिडिया एण्ड सप्लायर्स प्रा.लि.द्वारा सञ्चालित जन्तेढुङ्गा साप्ताहिक तथा जन्तेढुङ्गा अनलाइनका झापा सम्बाददाता तथा क्यामरामेन माथी स्थानिय वडाध्यक्ष सहतिले दुब्र्यबहार गरेको प्रती प्रेस बिज्ञप्ती जारी गरेको छ ।

झापा गाउपालिका वडा नं.६ को सामाजिक सुरक्षा भत्ता वितरणको रिपोर्टीङ्ग गर्ने क्रममा वडाध्यक्ष हरी बहादुर बानिया र एनआईसी एसियाका प्रतिनिधी बताउने ब्यक्तीहरुले जन्तेढुङ्गा मिडियाका झापा सम्बाददाता झापाली कान्छा र क्यामरामेन जयलाल माझीलाई दुर्ब्यबहार गर्नुका साथै क्यामेरानै जफत गर्ने सम्मको कार्य गरको प्रती उक्त कार्य आम पत्रकारीता जगतमै निन्दनिय भएको जनाईएको छ ।

स्वतन्त्र पत्रकारिता माथी राज्यकै जनप्रतिनिधीले हातपात गर्नु र क्यामेरानै जफत गर्नुले मानबअधिकारको धज्जी उडाएको महसुस भएको छ । कुनै पनि समचार प्रती चित्त नबुझे खण्डन गर्ने,प्रस काउन्सिलमा उजुरी दिने र सम्मानित अदालतबाट मुद्वा चलाउन पाउने कानुनी बाटो हुदाहुदै जनप्रतिनिधिले नै दलबलको प्रयोग गरी पत्रकारमाथी दुर्ब्यबहार भएकोप्रती गम्भिर ध्यानाकर्षण भएको बिज्ञप्तीमा उल्लेख गरिएको छ ।

रिपोर्टिङ्गका क्रममा खटिएका पत्रकारहरुलाई निर्बाध रुपमा समचार संकलन,सम्प्रेषण गर्ने वातावरण बनाउन र पत्रकारहरुको सुरक्षाको प्रत्याभुती गराउनुका साथै जफत गरिएको क्यामेरा तत्काल फिर्ता गरी दोषीलाई यथासिघ्र कानुनी कार्यबाही गर्न जन्तेढुङ्गा पब्लिकेशन मिडिया तथा सप्लायर्स प्रा.लि.का सञ्चालक तथा सम्पादक मातृका प्रसाद पोखरेलले बिज्ञप्ती मार्फत सम्बन्धित निकायलाई अपिल गरेकाछन् ।