हलेसी तुवाचुङ्ग नगरपालिकाद्वारा पत्रकारीताको भाबनाको कद्वर ।

२५ बैशाख २०७७–खोटाङ । कोरोना भाइरसकोे विश्वब्यापी महामारीको बेला सञ्चारकर्मीहरुले चलाएको कलमको माध्यमबाट कोरोनासँगको लडाइ जित्न थप हौसला मिलेको भन्दै जिल्लाको हलेसी तुवाचुङ्ग नगरपालिकाले जिल्लालाई आधार बनाएर सञ्चालित सञ्चार माध्यमहरुलाई दामासाही रुपमा लोक कल्याणकारी विज्ञापन उपलब्ध गराउने निर्णय गरेको हलेसी तुवाचुङ नगरपालिकाले जनाएको छ ।

कोरोनाको संकट संगै जोखिम मोलेर पत्रकारहरुले समचार संकलन तथा प्रकाशन,प्रशारण गरिरहेको सन्दर्भमा मिडिया सञ्चालनमा समेत समस्या आउन थालेको भन्दै जिल्लाको स्थानीय तहहरुले जिल्लामा सञ्चालित सञ्चारमाध्यमलाई लोक कल्याणकारी विज्ञापन उपलब्ध गराउन थालेका छन् ।

कोरोना भाइरस न्यूनिकरण तथा रोकथामका लागि अहोरात्र खट्ने सञ्चारकर्मीलाई लक्षित गर्दै सञ्चारकर्मी र पत्रकारले खेलेको भूमिकाको उच्च मूल्यांकनसहित लोक कल्याणकारी विज्ञापन उपलब्ध गराउने निर्णय भएको हलेसी तुवाचुङ्ग नगरपालिकाका मेयर इवन राईले बताएकाछन् ।

नगरपालिकाले कानुन प्राप्त भई जिल्लाबाट सञ्चालित सञ्चारमाध्यमको समस्यालाई बुझेर १० हजारका दरले लोककल्याणकारी विज्ञापन उपलब्ध गराउने निर्णय भएको बताएको छ । सञ्चारमाध्यमले नगरपालिका मार्फत उपलब्ध गराएको कोरोना भाइरस रोकथामका लागि सन्देशमूलक विज्ञापन प्रशारण तथा प्रकाशन गर्नुपर्ने जनाईएको छ ।

दुई नगरपालिका, आठ गाउँपालिका रहेको जिल्लामा यसअघीनै जिल्लाकै पहिलो पटक दिप्रुङ चुइचुम्मा गाउँपालिकाले जिल्लालाई आधार बनाएर सञ्चालित सञ्चारमाध्यमलाई १० हजार बराबरको लोक कल्याणकारी विज्ञापन उपलब्ध गराएको थियो । सञ्चारमाध्यमहरुका लागि लोक कल्याणकारी विज्ञापन उपलब्ध गराउनेमा हलेसी तुवाचुङ नगरपालिका दोश्रो पालिका हो ।