हलेसी तुवाचुङ नगरपालिकाको विपद व्यवस्थापन कोषमा माछापुच्छ्रे बैंकको तर्फबाट ५० हजार जम्मा ।

१ जेठ २०७७–खोटाङ ।  जिल्लाको हलेसी तुवाचुङ नगरपालिकाको विपद व्यवस्थापन कोषमा माछापुच्छ्रे बैंक लिमिटेड हलेसी शाखाले ५० हजार रुपैया सहयोग रकम जम्मा गरेको जानकारी प्राप्त भएको छ ।

बिहीबार माछापुच्छ्रे बैंक हलेसी शाखाका म्यानेजर खगेन्द्र बहादुर श्रेष्ठले नगरपालिका पुगेर उक्त रकम बराबरको चेक नगरप्रमुख इवन राईलाई हस्तान्तरण गरेको नगरपालिकाले जनाएको छ ।

अहिले सम्म विपद कोषमा ४१ लाख रुपैया जम्मा भइसकेको छ भने ३५ लाख खर्च भएको नगरप्रमुख इवन राईको भनाई रहेको छ । यसअघिनै विपद ब्यबस्थापन कोषमा नगरपालिकाका कर्मचारीहरुले मात्रै ७ लाख रुपैया जम्मा गरेको नगरपालिकाले जनाएको थियो ।