ब्रिटिस गोर्खा वेलफेयर मार्फत जिल्ला अस्पताल लाई श्वास्थ्य सामग्री हस्तान्तरण ।

१० जेठ २०७७–खोटाङ । जिल्लामा सञ्चालित ब्रिटिस गोर्खा वेलफेयर कार्यालय दिक्तेलले जिल्ला अस्पताल खोटाङलाई स्वास्थ्य सामग्री उपलब्ध गराएको जानकारी प्राप्त भएको छ ।

वेलफेयरले ५०० थान सर्जिकल मास्क, १०० थान डिस्पोजेबल सर्जिकल गाउन, १०० थान फेस सिल्ड, १०० थान केएन ९५ मास्क, २०० थान सर्जिकल ग्लोभ्स, १०० थान सुकभर, १०० थान हेड क्याप र ५०० थान डिस्पोजेबल ग्लोभ्स प्रदान गरेको जिल्ला अस्पतालका निमित्त कार्यालय प्रमुख रविनकुमार फुयाँलको भनाई रहेको छ ।
विश्वब्यापी रुपमा कोरोनाको महामारी फैलिए संगै नेपालमा पनि २ महिना देखी राज्य लकडाउनमा रहेको र श्वास्थ्य सामग्रीको अभाब टार्नका अस्पताललाई वेलफेयरका प्रमुख सुवास राईले शनिबार अस्पताल सञ्चालन तथा विकास समितिका सदस्य ध्रुबलक्ष्मी राईलाई स्वास्थ्य सामग्री हस्तान्तरण गरेको जनाइएको छ ।

यस अघि पनि जिल्लाका १० स्थानिय तहहरुमा श्वास्थ्य सामग्रीको अभाब भएको भन्दै स्थानिय तह आफैले सामग्री खरिद गर्नु परेको कारण नेकपाका केन्द्रिय सदस्य तथा प्रतिनिधी सभा सांसद बिशाल भट्टराईले श्वास्थ्य सेवा विभाग बाट जिल्ला अस्पताललाई श्वास्थ्य सामग्री उपलब्ध गराएको जिल्ला समन्वय समितीका संयोजक तथा अस्पताल ब्यबस्थापन समितीका अध्यक्ष बबि चाम्लिङले जनाएका थिए ।