“उ भ्रष्टाचारि हो “

विप्लवी तेन्जु योन्जन
हाल : रेगिस्तान

हो हजुर हो उ भ्रष्टाचारी हो ।
सोझा साधा गरिब जनतालाई
मीठो बोलेर आफ्नो
खल्तिमा भेटी पसाउने
यस्तै छ उस्को काम
कहिँ न काहीँ बाट
उ भ्रष्टाचार गरिरहन्छ ।
कार्यलयमा घुस लिदा
अक्तियारको डर
त्यसैले उ बाहिर कुनै
होटलमा सेटिङ्ग मिलाउछ
अनि निरधक्क भ्रष्टाचार
गर्छ त्यसैले त उस्को मान छ,प्रतिष्ठा छ,
सरकारी जागिरे
नेता, दलाल,
उपनामले परिचीत
उस्लाई
समाजले सम्मान गर्छ ।
थाहा छ उस्ले
भ्रष्टाचार गर्छ भन्ने
तर कसैले भ्रष्टाचार किन गरिस
भनेर सोध्नै आट गर्दैन ।

यदि कसैले सोधिहाल्यो भने
उस्को छुट्टै रबाफ छ
राजनीतिको खोक्रो
आडम्बरी भित्र
घमण्डले धम्की दिन्छ
उसलाई रुपैयाँले किन्ने मेरो क्षमता छ म सङ्ग ।

त्यसैले त उ अनैतिक अनि भ्रष्टाचार कार्यले भित्र भित्रै खोक्रीसकेको छ,
तर बाहिर आदर्शका कुराले सबैलाई प्रफुल्ल पारी दिन्छ ।
समृद्ध नेपाल,सुखी नेपाली भनेर

नारा लगाउदै कति सहर धाइसके कति ?
तर ती नारा, जसको कुनै अस्तित्व अनि
अर्थ बुझ्दैन गाउँ,बस्ती अनि सहर ।
उस्ले देख्छ जताततै भ्रष्टाचार
तर त्यसको बारेमा केही बोल्नै सक्दैन ।
किनकि त्यसको बारेमा बोल्दा
आफ्नै पोल खुल्छ कि भनेर केही बोल्नै सक्दैन ।

जहाँ गएपनी भ्रष्टाचार नै भ्रष्टाचार देख्छ
जिल्ला कार्यलय ,
प्रसासन कार्यलय
नगरपालिका , गाउँ पालिका वडा कार्यलय
यातायात कार्यालय जता जाउ भ्रष्टाचार,
मालपोत कार्यालय जाउ भ्रष्टाचार,

जुन सुकै कार्यालय गएपनी भ्रष्टाचार नै भ्रष्टाचार ।
यता जाउ भ्रष्टाचार नै भ्रष्टाचार,
उता जाउ भ्रष्टाचार नै भ्रष्टाचार,
स्वास्थ्य सामाग्री
खरिदमा भ्रष्टाचार
विमान खरिदमा भ्रष्टाचार,ईन्टरनेटमा भ्रष्टाचार,
एन सि एलमा भ्रष्टाचार
सरकारी जग्गमा भ्रष्टाचार यस्ता
कयौं
भ्रष्टाचार त कति छन कति ।

तर तिनीहरुको बारेमा के नै पो बोल्न सक्छ र उस्ले किन कि उ भ्रष्टाचारि हो ।
जहाँ आफ्नै संलग्न भएपछि ।
कस्ले भन्न सक्छ भ्रष्टाचार भयो भनेर
हो हजुर उ भ्रष्टाचारि हो
यस्तै उस्को काम ।
यस्तै छ उस्को दैनिकी
जनताहरु गरिव अनि पीडित छन र त
कोहि केही बोल्न सक्दैनन् उस्को बारेमा ।
शक्ति र पावरको आडले उनीहरुलाई
सधै डराइ र धम्काइ रहन्छ ।

उनीहरु थाहा छ उसको बारेमा
बोल्दाको परिणाम के हुन्छ ।
उ गुन्डागर्दीको नाइके हो ।
पार्टीको आडमा
सरकारी जागिरको
खोक्रो पगरि गुथेर
बस्ने मान्छे उ
केही समय अगाडि उसको बिपरित बोल्दा
उनीहरुकै अगाडि एउटाको टाउको फुटाएको थियो
उनीहरुलाई राम्रो सङ्ग थाहा छ ।
त्यसैले अरुले उसको बारेमा कोहि बिरोध
गर्न सक्दैनन्

उनीहरु भ्रष्टाचारी देख्ने बित्तिकै घृणा गर्छन् ।
उ जसलाई सम्मान गर्छ,
अरु भ्रष्टाचारको बिरोध गर्छन्,
उ त्यसलाई सम्मान गर्छ,
अरु भ्रष्टाचारीलाई खुट्टामा कुल्चिएर हिड्छन,
उ त्यसलाई शिरमा राखेर हिड्छ ।
हो त्यसैले त उ भ्रष्टाचारी हो ।

यस्तै छ उसको काम, उ भ्रष्टाचार गरिरहन्छ ।
उ भ्रष्टाचार गरिरहन्छ