प्रेस संगठन खोटाङद्वारा सदस्यहरुको अभिभाबकत्व प्रदान ।

२३ जेठ २०७७–खोटाङ । कोरोना भाइरस कोभिड १९ को विश्वब्यापी महामारीको संकटका बेला राज्यको चौथो अंग अग्रभागमा खटिरहँदा पत्रकारहरुमा पनि उतिकै जोखिम बढ्ने खतरा रहेका बेला प्रेस संगठन नेपाल खोटाङले आफ्ना सदस्यहरुको अभिभाबकत्व प्रदान गरेको खबर प्राप्त भएको छ ।

प्रेस सङ्गठन नेपालका केन्द्रीय सदस्य हरिवोल आचार्य र सल्लाहकार डम्बरसिं राईको ब्यक्तीगत खर्चमा जिल्ला सङ्गठनमा आवद्ध पत्रकारलाई एप्रोन र मास्क उपलब्ध गराएको जानकारी प्राप्त भएको छ । विश्वभर फैलिएको कोरोना भाइरसको सङ्क्रमण सम्बन्धी समाचार सङ्कलन तथा प्रशारण गर्न अग्रभागमा खटिने ३० जना पत्रकारलाई प्रेस सङ्गठन नेपालको लोगोसहित प्रेस लेखिएको एप्रोन र केएन ९५ मास्क उपलब्ध गराएकाहुन् ।

कोरोना भाइरसको सङ्क्रमण नियन्त्रण गर्न सरकारले लागू गरेको बन्दाबन्दीको समयमा एप्रोन नहुदा समाचार सङ्कलन गर्न हिडेका पत्रकारहरुलाई प्रहरीले दुःख दिने गरेको साथै राज्यले श्रमजिबी पत्रकारहरुहरुको लागि श्वास्थ्य सामग्री साथै कुनै किसिमको राहतहरुको ब्यबस्था नगरेको समयमा सहज रुपमा समाचार सङ्कलन र प्रशारण गर्ने वातावरण मिलाउन अग्रभागमा खटिने पत्रकारलाई ब्यक्तिगत खर्चमा एप्रोन र मास्क उपलब्ध गराइएको केन्द्रिय सदस्य आचार्यको भनाई रहेको छ ।

दिक्तेलस्थित इन्द्रेणी होटलमा बिहीबार आयोजित कार्यक्रममा केन्द्रीय सदस्य आचार्य र सल्लाहकार राईले सङ्गठनका जिल्ला संयोजक खेमराज अधिकारी र सहसंयोजक सुर्य तामाङलाई एप्रोन र मास्क हस्तान्तरण गरेको खबर छ ।

हरेक संकटका बेला अग्रमोर्चामा खट्टिने पत्रकारहरुलाई राज्यले सम्बोधन गर्नुपर्ने बेलामा बिर्सिएको जस्तो भइरहेको छ । श्वास्थ्य सामग्री पिपिइ लगाएत सुरक्षा सतर्कतामा ध्यान दिनुपर्ने तर सो को बिलम्ब भइरहेकाबेला प्रेस संगठन खोटाङले अभिभाबकत्व प्रदान गरेको संगठनमा आबद्व पत्रकारहरुको भनाई रहेको छ ।