निती तथा बजेट निर्माणको लागि अन्तर्क्रिया कार्यक्रम ।

३२ जेष्ठ २०७७–खोटाङ्ग । जिल्लाको दिप्रुङ चुइचुम्मा गाउँपालिकाले आगामी वर्ष आ.व. २०७७/०७८ को नीति तथा कार्यक्रम र बजेट निर्माणको लागी सरोकारवालाहरु संग अन्र्तक्रिया गरेको जानकारी गरेको जनाएको छ ।

गाउँपालिकामा क्रियाशिल महिला जनप्रतिनिधि, राजनैतिक महिला प्रतिनिधि, महिला विकास समन्वय समितिका पदाधिकारीहरु, महिला स्वास्थ्यकर्मी तथा स्वयम सेविका, पत्रकार, गैर सरकारी संस्थाहरु संग गत शनिबार अन्तरक्रिया कार्यक्रम गरी परामर्श तथा सुझाव संकलन गरेको आई टि अफिसर मणिचन्द्र राईले जानकारी दिएकाछन् ।

साथै राजनैतिक दल, पूर्व निर्वाचित पदाधिकारी, शिक्षक, अगुवा कृषक, वौद्धिक वर्ग, पत्रकार, गैर सरकारी संस्था सँग अन्तरक्रिया कार्यक्रम गरी परामर्श तथा सुझाव संकलन गरेपछी । अन्र्तक्रियामा संलग्नहरुको सुझावलाई नीति तथा कार्यक्रममा समाबेश गरिनेकुरा पालिका अध्यक्ष भुपेन्द्र राईले बताएकाछन् ।

त्यसैगरी दिप्रुङ्ग चइचुम्मा गाउँपालिकाको गत आ.व. २०७६/०७७ को वार्षिक कार्यक्रम अन्तर्गत अपाङ्गता भएको व्यक्तीहरूलाई सिन्के धुप(अगरबत्ती) तथा मुढा बनाउने आधारभूत तालिम हिजै सम्पन्न भएको जानकारी प्राप्त भएको छ ।

७ दिन सम्म सञ्चालित उक्त तालिम जेठ २५ गतेबाट शुरु भइ ३१ गते समापन भएको हो । सिन्के धुपको लागी रु १ लाख ५० हजार र मुढा बनाउने तालिमको लागी रु १ लाख बजेट गाउँपालिकाले विनियोजन गरेको जनाएको छ ।

सिप र क्षमताको कद्वरका लागि स्थानीय प्रशिक्षकद्वारा नै प्रशिक्षण गराइएका दुबै तालिम स्थानिय अमृत राई र लोकराज कटवालले प्रशिक्षण दिएको गाउपालिकाले जनाएको छ ।